ħsibijiet

2007-07-27T16:52:00.001+02:00

aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni aljenazzjoni

Nimxu sparati 'l quddiem - III Parti

2007-05-05T12:01:00.001+02:00

M'ilux qrajt bloggata ta' seħibna Ġakki dwar l-armi f'Malta. Tagħtik x'taħseb.

Intant, dalgħodu l-ġurnata qamet tittewweb b' togħma ħażina f'ħalqha.

L-Imħabba Bħal Murtal

2007-04-30T00:15:00.001+02:00

L-Imħabba Bħal Murtal
(wara Adrian)

kien hemm min darba qalli
li l-imħabba bħal murtal,
li meta jfaqqa' fl-ajru,
taqa' xita stillel żgħar.

u veru kos,
kultant hekk ngħid,
l-imħabba bħal murtal,
li jagħmel ħafna storbju
u jifgak bid-duħħan,
u wara l-frattarija
jispiċċa,
u tmur id-dar.

2007-04-19T00:29:00.001+02:00

? ? ?

? Int ?

? ?

? Tifhimni ?

? ? ? ?

? ? ?

jekk ma fhimtx, tagħtix kas.

hekk jew b'hekk,

dejjem hekk tagħmel

Nimxu sparati 'l quddiem - II Parti

2007-03-20T12:06:00.000+01:00

x'ala l-kanna mill-għasafar,
jekk hux ħaj jew ibbalzmat
l-aqwa l' jien għada, pitgħada,
bil-vot nitla' dritt sparat.

Nimxu sparati 'l quddiem - I Parti

2007-03-10T00:18:00.000+01:00

Mill-Maltastar:

Mit-Times:

During the hunters' rally in Valletta, some hunters were seen carrying shotguns in clear violation of Legal Notice 79, BLM said. [...] The legal notice prohibits the carrying of shotguns out of their case outside the hunting season and in places where hunting is prohibited.

[...]

The Labour Party said that "the few protagonists" in Wednesday's incidents did not do justice to the absolute majority of hunters and trappers.

Din donnha deja vu kerha tar-referendum għall-isħubija fl-UE. Kulħadd jiftakar kemm l-MLP lagħbha ta' tarka u wiegħed li jaqbeż għal dawk kollha li jsejħu lilhom infushom "konservazzjonisti" (Ta' xiex ngħid jien? Ta' l-għasafar ibbalzmati?). Avolja jaf li ħafna minnhom jippratikaw id-delizzju tagħhom b'mod skorret u llegali, xorta qabeż għalihom għax ovvjament, ħaqqhom id-dritt li joqtlu għall-gost.

Illum, il-partit laburista qed jistedinna ma nitfgħux lil kulħadd fl-istess ġaġġa u għaldaqstant, qed jagħmel minn kollox biex itaffi s-sitwazzjoni u jerġa jfakkarna li dawn il-kaċċaturi mhux kollha trogloditi. Pjan inġenjuż biex jintgħoġob u jiddobba naqra appoġġ mingħand dawn in-nies. Is-soltu prostituzzjoni politika insomma.

Jien naħseb li l-partit Laburista għandu jaġġorna l-emblema tiegħu u minflok dik it-torċa li issa forsi saret tikka antikwata, jagħżel xi ħaġa tikk' iktar adattata, bħal, ngħidu aħna:

Ħaġa hija ċerta - jekk jibqa' sejjer hekk, il-partit żgur jitla' sparat fil-gvern.

xi drabi jiskot il-baħar

2007-03-05T16:52:00.000+01:00

fonti ta' l-istampa

xi drabi jiskot il-baħar

u l-istess jien

meta nħares lejk,
tgħum bejn dinja u oħra -

għajnejk magħluqa,
xufftejk imbexxqa,
xagħrek jitbandal

mewġ artab

fuq sidri

meta għawma tkun perikoluża

2006-08-14T14:06:00.000+02:00

Roderick Mallia, I am a Maltese married to an Israeli and living in Israel for thirty years. I cannot in any way expect you to understand anything about Israel as I do not understand anything of Maltese politics living far from Malta for so many years. So please shut up....it is people like you who are an added danger to the intelligence of mankind for judging Israel as being the main culprit in the Middle East...you definitely know nothing. Go to the beach and enjoy a good swim....know just one thing: that Israel is here to stay and whoever does not accept this can go...for a long swim!!!!

- Daniela Londner

paroli fil-vojt

2006-08-13T13:20:00.000+02:00

bla…

sens

Vuċijiet

2006-07-21T16:07:00.000+02:00

Vuċijiet

ftit weraq mill-ġardina

2006-07-11T15:13:00.000+02:00

hemm werżieq qiegħed iżarżar u jiżżerżaq
fuq zokk imlaħħam ifur bil-fjur
ta' boganvilla xwejħa xuxana,
jittanta daqsxejn ta' qattus iswed
bilkemm jidher jongħos fid-dell tas-sardinella
miżrugħa f'ħamrija niexfa qoxqox,
tixxennaq għal ħalba xita friska
biex timla x-xquq-vini bl-ilma-demm.

u taħt l-oleander, ħanfusa sajfija
tistenna ħerqana d-dlam ta' flgħaxija

Saħħa Frans (1943 - 2006)

2006-06-26T15:26:00.000+02:00

Ħajtek kienet tila mżewwqa,
b'kant, għana u poeżija,
insellmulek ħabib tagħna,
ħajtek qatt ser tkun minsija.

Saħħa ħabib.

id-dawl

2006-06-07T12:46:00.000+02:00

illejla

2006-05-23T22:35:00.000+02:00

Sess

2006-03-23T11:15:00.000+01:00

wara mistoqsija

Nispera li ssodisfajtek mistoqsija.

Dil-bloggata nixtieq ukoll nassoċjaha mal-bloggata fix-Xifer dwar l-affarjiet li jingħataw iktar importanza milli ħaqqhom. Ma' dik il-lista nixtieq inżid appuntu, is-sess u l-mit kollu li bena l-bniedem u r-reliġjon dwaru.

PS. Dil-bloggata għandha tittieħed bin-nejk.

Egoiżmu

2006-03-11T14:13:00.000+01:00

Madonna, tafu kemm niddejjaq, u xorta ma titgħallmu QATT!

Kieku kienet teorija jew xi somma kkumplikata, jew jien naf, ħaġa li ħadd għadu qatt ma fehem illum il-ġurnata, kieku forsi kont naċċetta w kont nbexxaq għajn jew tnejn, imma din la kienet waħda u wisq anqas kienet l-oħra, kienet ħaġa illi żgur kien jifhem tifel ta’ sentejn!

U għala żobbi mill-iskużi u r-raġuni illi tagħtuni biex taparsi mingħalikhom ser tfehmuni jew tagħmuni. U biex iktar taħarquni kollha tiġu tifħtu ħalqkhom, hekk kif l-ass jipponta lejkhom u mqar għal darba jkun imiss lilkom. Għax hekk tajjeb u hekk sewwa - mela intom ħalli tagħmlu w anke tieħdu dak li tridu, iżda mbagħad għal proxxmu ieħor ħadd qatt minnkom ma jmidd idu. Imbagħad tiġu tippretendu mingħajr qatra żejt ġo wiċċkom illi daka li hu tiegħi bi dritt tistgħu tieħduh intkom!

Misskom ilkom li ndunajtu li jien annimal vjolenti, kieku forsi ftaħtu għajnejkom jew qadtu daqsxejn attenti. Mel’ issa tiġux tibkuli w tilgħabuha ta’ l-innoċenti jekk nindanna w nuri snieni – hekk jew b’hekk int x’tippretendi – meta ssakkar bhima f’rokna, lilha nnifisha ħa tiddefendi! U m’għandkomx għalfejn tinstamtu x’ħin nopponi w noħroġ kontra għax ma naqbilx mas-sitwazzjoni. U taħsbux ħa nieħu għalija jekk tgħajruni li jien dejjaq, u tibdew turu b’subgħajkom it-tibna li qed ittikhom f’sormkom.

Hekk jew b’hekk kulħadd ftit għami, min bit-tibna u min bit-travu,
u li jiena dak li jiena misskom ilkom illi tafu.

Għaddiet Sena

2006-03-10T10:14:00.000+01:00

U biċ-ċajt iċ-ċajt għaddiet sena mill-ewwel bloggata tiegħi fuq dal-blogg...

Rakkmu

2006-03-01T14:04:00.000+01:00

Tnedija tal-ktieb ta' Adrian Grima, Rakkmu (Poeżiji 1995 - 2005)
Post: Il-Kavallier ta' San Ġakbu, Valletta
Ħin: 7:30 pm

Frustrazzjoni

2006-02-28T19:39:00.000+01:00

"Frustranti wisq li l-unika mod biex tbiddel l-affarijiet huwa li tippakkja u tmur x'imkien fejn jahdmu l-affarijiet."

- Gybexi, 28 ta' Frar, 2006

Duo - Wirja ta' Pitturi u Ritratti

2006-02-16T12:28:00.000+01:00

Kienu l-10:30 pm u konnha mexijn fit-toroq għajjiena tal-Birgu, b'pass kwiet imma mgħaġġel għax is-sirda ta' filgħaxija kienet tinħass sew. Ksirna mal-kantuniera u wasalna fis-sqaq imdawwl safrani u pjanti jxebilku imqarba mal-koxox tal-bibien. Dħalna ġewwa Il-Forn - kien vojt iżda l-atmosfera kienet tilqgħek. Il-mużika tajba tidwi qalb is-siġġijiet u l-uċuh imħażża fuq l-imwejjed. Ordnajna Tia Maria minn mal-bar u nżilna naraw l-eżibizzjoni.

Qalb ir-ritratti monokromatiċi spikkaw ma' l-ewwel daqqa t'għajn żewġ ritratti: tadama imqatta' tqattar id-demm u tliet wardiet ħomor bl-aħmar tagħhom jgħajjat f'wiċċek b'mod vjolenti. Intlift qalb it-tpinġijiet astratti u l-kompożizzjonijiet interessanti imdendla mal-ħitan tal-kamra. Sbieħ fis-sempliċità tagħhom u intriganti fil-logħob bid-dellijiet u d-dwal, bħal li kieku kellhom il-ħajja. Ħajja li l-fotografu seraq b'tant egoiżmu u qafilha wara ħġieġa biex ma taħrabx, u esponiha hemm, imdendla minn spaga bħal manikkin. Dort mal-kamra darba, darbtejn jien u nbill griżmejja bit-Tia Maria. C. tikkummenta dwar dik u dwar l-oħra - niggustaha tirraġuna u tifli bir-reqqa kull tila u kull kwadru.

Malajr għaddiet nofs siegħa u ndunajna li s-sid tal-post ried jagħlaq. Għalhekk ħallasna għax-xorb, xtaqnilu l-lejl it-tajjeb u ħriġna lura 'l barra qalb il-ksieħ ta' filgħaxija. Imxejna lura lejn ix-xatt tal-Birgu fejn kont ipparkjat, u komplejna d-diskursata tagħna fil-karozza aħna u sejrin lura d-dar biex nitgeddsu qalb il-kenn u s-sħana tal-kutri.

***

Nota: Eżibizzjoni ta' min jaraha. Inħeġġiġkhom taslu wasla sal-Forn u taraw naqra x'jafu joffru dawn iż-żewġ talenti promettenti ħafna.

...and all that jazz

2006-02-09T13:31:00.000+01:00

wara D., Sandro u Mark

Issa ħarġet l-aħbar fil-beraħ li l-festival tal-jazz ta' Malta ħalliena wkoll. Imma kif dejjem jiġri l-flus kienu, għadhom u jibqgħu jiddettaw kollox. Ħa nkunu għidna kollox, perċentwali sew ta' nies li kienu jattendu l-festival kienu jmorru hemm 'għall-ħarġa', ergo biex jieklu ħotdog jew berger u jbeżilqu l-birra, filwaqt li fil-proċess kollu itellfu lil dawk il-vera appassjonati tal-jazz b'paroli vojt, gosipp politiku u teoriji pswedo-intelletwali ispirati mir-riħ isfel, alkoħol u żarżir tan-nemus.

F'Malta, nies bħall-Ministru Zammit Dimech u dawk l-għorriefa tal-Kunsill Malti għall-Kultura u l-Arti jiġu għalabiebhom mill-kultura ta' kwalità u minflok huma kuntenti li jbelgħulna r-raċanċ imbasta fl-aħħar mill-aħħar idawwru lira. Għax issa drajniha l-istorja: irridu nkunu accountable u kollox irid ikun sostenibbli. Kif qal sewwa D., sirna 'gżira tat-tribute bands' u biex tkompli turi l-faqar li qed ngħixu fih, fl-iktar festival suppost prestiġjuż li għandna, intellgħu lis-Sur Lou Bondi fuq il-palk ħa jpaxxina bit-talenti tiegħu.

F'pajjiż fejn ix-xena tal-jazz kienet non-eżistenti, din il-privatizzazzjoni tal-festival kienet daqqa mortali u viljakka. Imbagħad kulħadd jistgħaġeb kif f'dal-pajjiż ma joħorġux nies ta' kalibru, ħassieba, artisti kbar u rinomati li jagħmlu isem kemm f'Malta kif ukoll barra minn xtutna. Mhux bilfors! Jekk qiegħdin jagħmlu morsa madwar il-kultura, l-edukazzjoni u l-kreattività x'tippretendi? L-unika ħaġa kreattiva li kien hawn riċentement kien il-pilastru falliku fir-rawndebawt qrib l-ajruport.

Sewwa jgħidu li l-arti u l-kultura hija mera li tirrifletti l-poplu u l-pajjiż li jipproduċiha - bħal li kieku mhux diġà konnha nafu kemm aħna veru poplu u pajjiż taż-żobb!

Għalik (li m'għaraftnix)

2006-02-07T17:16:00.000+01:00

L-aħħar darba rajtek. Anke int rajtni iżda m'għaraftnix. Ma ntikx tort għax forsi jien inbdilt wisq minn l-aħħar darba 'l hawn. Int minn naħa l-oħra ma nbdilt xejn, għajr forsi l-istil ta' xagħrek li m'għadux dak l-isfar maħmuġ ta' darba u dik il-misluta żgħira li żżejjinlek xofftok. Mill-ħarsa t'għajnejk u l-mixja tiegħek tidher li għadek dik it-tfajla ta' karattru li kont naf snin ilu. Forsi daqsxejn impertinenti u estravaganti. Forsi daqsxejn imqarba u arroganti.

Imma ngħiduha kif inhi - dak iż-żmien kont togħġobni u mhux ftit. Nitbissem x'ħin niftakar f'dawk iż-żewġ malji sofor jaqbżu donnhom għandhom ħajja għalihom u f'dak il-qalziet iswed issikkat li kien iqabbiżlek sormok. Kont ta' spiss tidħol bejni u bejn il-paġni tal-kotba ta' l-iskola. Jista' jkun li f'xi ktieb minnhom għad hemm ismek imħażżeż x'imkien. U int abbli ndunajt x'kont inħoss għalik avolja qatt ma kelli l-kuraġġ ngħidlek. U kos, forsi għalhekk dejjem kont tħares lejja b'ħarsa nejjieka u tgħajjibni...

Ma nafx għaliex qed naħseb fik u f'dawk is-sentejn li qattajna flimkien fl-istess klassi tal-bijoloġija, imma nispera li tinsab tajba. Ħadt pjaċir li erġajt rajtek u forsi anki illi m'għaraftnix.

Ħu ħsieb.

Impressjonijiet ta' Frar

2006-02-01T07:47:00.000+01:00

Niftaħ għajnejja u nħares lejn iċ-ċeullulari fuq imħaddti - is-6.05 a.m. Noħroġ mis-sodda u mmur sal-kamra tal-banju biex inbaħbaħ wiċċi bl-ilma kiesaħ. Ġurnata friska oħra llum. Nieqaf għal mument inħares lejn il-mera donni qed nistenna 'l dak jgħidli xi ħaġa. Nilmaħ għajnejh iżebbġu għajjiena minn bejn it-troffi ta' xagħar imniżżla fuq wiċċu. Ma jridx kliem donnu. Immur nixwi biċċtejn ħobż u nagħmel magg kafè jaħraq u niġi nixorbu mat-tieqa ta' kamarti.

Barra l-ajru maqgħud u sħab imħasseb donnu ma jafx x'irid. Il-boganvilla tal-ġardina tiffrosta bl-addoċċ qisha kuċċier spjetat, u qattus iswed jistkenn taħt il-ħibiskus. Karozzi telgħin u neżlin joborxu l-asfalt bejn mumenti ta' silenzju fejn jinstema' biss ir-riħ jonfoħ u jsabbat bil-ponn mal-ħġieġ tat-tieqa tiegħi.

Imma ħarsti tmur oltrè l-ġardina u t-triq u ssib serħan bejn il-mewġ tal-baħar. Illum sabiħ il-baħar - tielgħa ma' Sant Anġlu qisu tifel imqareb jiddendel ma' djul ommu għax ma ħax dak li ried. Jiggranfa u jsabbat, jimbotta u jiġbed b'rabja sa ma jinfaqa' u jħalli biss togħma mielħa warajh.

Illum il-frisk. Nerġa' mmur inferra tazza kafè u nitfgħalu beżqa ħalib u narah idub u jkanġi f'kuluri strambi. Barra l-baħar għadu ggranfat u r-riħ għadu jsabbat. U x'imkien taħt il-ħibiskus, il-qattus għadu mistkenn, jistenna' li tfiġġ xi daqsxejn sħana.

Malta qaddisa u l-ġenna rħisa!

2006-01-24T19:13:00.000+01:00

Għadni kif irċevejt ittra-e rigward il-kwistjoni tax-xbieha li għandha tintuża fuq l-Ewro, liema ittra qed nipproduċiha hawn taħt.

Hbieb,

sad-29 ta' Jannar nistghu nivvotaw liema xbieha nixtiequ npoggu fuq il-muniti tal-Ewro meta dawn jinhargu f'pajjizna fil-bidu tal-2008. Ghalina li ahna kburin bl-identita' Nisranija ta' pajjizna gie cans tad-deheb. Ejjew nibaghtu sms vojt fuq in-numru 7983 1201 sabiex inpoggu x-xbieha tal-iskultura meraviljuza tal-Maghmudija ta' Kristu li tinsab fil-Konkattidral ta' San Gwann.

Minbarra li hija opra tal-arti li taghmel gieh lit-tradizzjoni artistika u kulturali ta' pajjizna, tista' wkoll isservi biex fuq il-flus ta' din l-Ewropa taghna li donnha trid tinsa l-wirt Nisrani taghha, ahna nfakkru dik il-grajja ghaziza meta Alla l-Missier ta xhieda dwar id-Divinita' ta' Ibnu u Sidna Gesu' Kristu: "Dan hu Ibni l-Ghaziz li fih sibt il-ghaxqa tieghi!"

SMS irhis, u email ma jiswiekx flus. Ibghat dan l-email lil kull min taf biex naghmlu ftit differenza!

Sliem.

Dun Brendan Gatt

Bi Kristu fuq l-Ewro qegħdin pass biss il-bogħod milli nixtru post fil-ġenna - u jekk mhux valur tajjeb għal flusek dak, ma nafx x'jista' jkun.

Anzi biex inkunu żguri missna lkoll nibdew kampanja biex minflok is-salib ta' Ġorġ nagħmlu s-salib ta' Kristu fuq il-bandiera u l-kuruna tax-xewk minflok il-pjanta nazzjonali.

No Jeffrey? No Party!

2006-01-14T12:42:00.000+01:00

"...wara li jitneħħew ir-ruins tal-Opera House, isir pavimentar, u jkollna pjazza prinċipali ikbar fejn ikunu jistgħu isiru dawn il-parties fil-miftuħ"

Funeral

2006-01-13T22:03:00.000+01:00

Kont ili mhux ħażin ma nattendi quddiesa iżda llum iddeċidejt li nattendi għall-funeral taz-zija ta' missieri, itkar b'turija ta' rispett lejn familtha milli b'sens reliġjuż. Inevitabilment, meta tkun f'okkażjonijiet simili, moħħok jibda jipproġetta lilu nnifsu 'l bogħod sakemm iżerżqek ħelu ħelu ġo kaxxa ta' l-injam qalb bankijiet ta' dellijiet suwed, kuruni ta' fjuri u dħaħen ħerġien miċ-ċensier ta' l-abbati li jinfirxu ma' kullimkien.

***

- Imma għaliex? Għaliex ħadtuli wkoll? Għidli!
(Biki)

Żewġt irġiel iżommu l-omm tixgħer hija u tara 'l binha nieżel u tistaqsi lil kulħadd għaliex ħadulha wkoll, bħal li kieku wieħed ma kienx biżżejjed. U la l-qassis ma wieġeb, la n-nies b'wiċċhom imxarrab bid-dmugħ u l-irxiex ta' Novembru, la d-deffiena u lanqas il-kurċifiss li kien qed iżomm l-abbati ma' sidru huwa u jħares lejn ix-xena ta' quddiemu. Imbagħad l-qassis jagħmel sinjal lill-abbati li wasal il-ħin biex imorru, u huma u iħaffu l-pass fix-xita li qed tiżdied, l-abbati jkompli jisma' il-biki u x-xehir ta' l-omm imnikkta jidwi qalb is-siġar taċ-ċipress u l-irħam kiesaħ. Ifittxu jirkbu fit-taksi li jerġa jwassalhom lura lejn il-knisja fejn tkun qed tistennihom ir-riħa ta' inċens tilgħab noli qalb il-kolonni miksija bid-damask.

- Kemm tieħu zokkor fit-te?
- Tnejn jekk jogħġbok.

U l-abbati ibill żewġ Morning Coffee fit-te jaħraq u jniżżlu f'żewġ nifsijiet, jiġbor is-suttana u l-ispellizza, u jiġri lura d-dar għall-ikla ta' nofsinhar.

Terremot

2006-01-08T14:51:00.000+01:00

Anqas it-theżżiżha ma rnexxielha ġġibni f'tieghi...

News Headlines

January 08 2006 1310CET, Updated 1340CET
Tremor originating in Greece felt in Malta
Breaking News

A tremor originating 195km south of Athens in Greece, was felt in various places around Malta including the Cottonera area, Birzebbugia, Mosta, Sliema, St. Julians, Pembroke, Gozo and was also felt in Italy and Egypt.The tremor was felt around 12:35pm and lasted for about 7 seconds. No incidents or deaths have been reported as yet. The tremor was marked 6.4 on the Richter scale.

Fonti: www.di-ve.com

Bejn Ħdud, Ħolm, Irqad u Apatija

2006-01-08T10:49:00.000+01:00

Kultant tiftaħ għajnejk filgħodu u xorta donnok ma tkunx qomt. Tibqa' fuqek dik ir-riħa ta' rqad, il-ħedla, l-apatija. Għajnejk tqal, ġismek għajjien u l-ħeġġa biex tibda l-ġurnata moħbija x'imkien fil-qiegħ qalb il-mewġ tal-lożor. Illum waħda minn dawk il-ġranet. Donnu lejl irqad ma kienx biżżejjed għax xorta għadni ma ġejtx f'tieġħi.

Ilbieraħ fligħaxija, wara ġurnata ftit li xejn produttiva, iddeċidejt li noħrog, bit-tir li nibdel kemxejn il-burdata għall-aħjar ħalli mbagħad inkun nista' nistudja bil-kwiet u b'ċertu determinazzjoni għall-eżamijiet li llum, tliet ġimgħat qabel il-bidu, m'għadhomx daqshekk 'il bogħod. Mhux għax iddejjaqt niekol ikla Ċiniża take-away fil-karozza ma' C. ħdejn il-baħar - xejn affattu. Imma lbieraħ kien hemm xi ħaġa nieqsa fl-atmosfera tant li wara, jiena u nsuq lura d-dar, ġejt maħkum minn sens ta' vojt u frustrazzjoni li ma ħallewnix kwiet. Wasalt id-dar x'il-11:30pm, ferrajt naqra kafè u dħalt niċċekkja jekk irċevejtx xi ittri-e sakemm nixrob dik in-nofs kikkra qatran. Xejn speċjali, is-soltu posta - kabbar 'l hawn, wessa' 'l hemm, irbaħ din, eċċ. Niżżilt il-kafè f'nifs wieħed, tfejt kollox u mort nitkebbeb bħal fetu fis-sodda. Bgħatt żewġ messaġġi minn fuq iċ-ċellulari u qadt nistenna bil-ħerqa li jixgħel id-dawl ħadrani f'dak id-dlam kenni ta' taħt il-kutri.

U nipprova nikkonsla bit-tgħanniq u l-bews virtwali, nagħlaq għajnejja u norqod.

U nerġa' naħseb f'C.

Mużika fl-isfond: The Beatles - I'm Only Sleeping

Xewqat Sbieħ!

2005-12-24T12:11:00.000+01:00

Minn hawn nixtieq nagħti l-isbaħ xewqat għal Milied hieni lill-qarrejja ta' dan il-blogg.

Il-Festi t-Tajba!

Ricordando la Tarda Estate

2005-12-21T12:56:00.000+01:00

Ricordando la Tarda Estate
per noi, e per la stagione che se sembra sta per finire

Cammino tutto solo per città che sembran morte,
Le strade son deserte e l'inverno è alle porte,
Adesso sento il freddo, è finita la tarda estate,
I fiori più non sbocciano, son fuggite anche le fate,
Ribussa alla mia porta ed infischiati dei pensieri,
E cogliamo ancor le stelle, come abbiam fatto ieri.

Għalik u Għalija

2005-12-20T09:45:00.000+01:00

Għaliex qed nippruvaw inqassqsu l-versi kelma kelma, nintilfu niflu kull sillaba bil-mikroskopju bit-tama li nsibu (jew ma nsibux) dak li nixtiequ jew ma rridux? U intant ninsew il-preżent li qed ngħixu fih u ntappnuh b'dubji, beżgħat u inċertezzi inutli.

Enjoy the Silence
(Depeche Mode)

Words like violence
Break the silence
Come crashing in
Into my little world
Painful to me
Pierce right through me
Can’t you understand
Oh my little girl

All I ever wanted
All I ever needed
Is here in my arms
Words are very unnecessary
They can only do harm

Vows are spoken
To be broken
Feelings are intense
Words are trivial
Pleasures remain
So does the pain
Words are meaningless
And forgettable

All I ever wanted
All I ever needed
Is here in my arms
Words are very unnecessary
They can only do harm

Enjoy the silence

[...]

Ma nafx x'naqbad ngħidlek iktar...

Kliem jew in-nuqqas tiegħu...

2005-12-15T14:39:00.000+01:00

Għażiża C.,

qomt naħseb fik dalgħodu, infittex it-tbissima tiegħek fuq l-iskrin żgħir taċ-ċellulari li raqqadt miegħi fuq l-imħadda. Bilkemm ma ngħidx li ħassejt naqra dwejjaq x'ħin ma kien hemm xejn jistennieni ħlief il-logo ċass tan-Nokia, taż-żewġ idejn jippurvaw imissu 'l xulxin. Bħal donnu xi ħadd ried ikompli jaħraqni naqra iktar.

Jien u nixrob il-kafè jaħraq dalgħodu, għaddewli minn moħħi dawk is-sagħtejn flimkien li qattajna t-Tlieta ħdejn il-bandli. Erġajt ħassejtni tifel dakinhar, aħna u nduru inċafalsu fl-ilma. Meta mort tiddendel rasek l-isfel mal-ħadid u għajjibtni. Meta bistni taħt is-siġra l-kbira. U meta għannaqtni, ħarist dritt lejja u għidtli "int titkellem il-lingwa tiegħi, taf?" u jien bqajt inħares lejk. Forsi rajtni nħaffer xoffti bi snieni biex ma taħrablix kelma. Forsi ndunajt li għafastek miegħi naqra iktar mis-soltu. U forsi ndunajt li...

Xtaqt indur fuqek u nħares f'għajnejk dalgħodu; taf kif C.? Bħal meta nkun irrid ngħidlek mitt elf kelma u ma nlissinx waħda. Bħal meta nintilfu nfittxu l-versi f'għajnejn xulxin. Bħal meta għidtli "inti bħar-riħ" u minn taħt l-ilsien donnok tlabtni biex inkaxxkrek miegħi. Naf li int tifhem is-silenzju tiegħi iktar minn kliemi. U nibża għax forsi nkun qed ngħid wisq iktar milli nixtieq nurik meta ma nitkellimx.

Iżda ħa nieqaf hawn u nħalli il-kwiet u s-silenzju itemmu din l-ittra.

[...]

Dejjem tiegħek,

R.

Għajnejn

2005-12-14T22:31:00.000+01:00

Wiċċek mistur taħt velu mewġ ħadrani,
minn taħt liem jispuntaw par għajnejn skuri,
li jistiednuni biex inħarbex storja,
ta' żewġ maħbuba f'lejl maġenb il-baħar.

Simposju dwar il-Promozzjoni Internazzjonali tal-Letteratura

2005-11-01T22:48:00.000+01:00

Simposju dwar il-Promozzjoni Internazzjonali tal-Letteratura

4-5 ta' Novembru 2005 ▪ Kavallier ta' San Ġakbu, il-Belt Valletta

Nhar il-Ġimgħa 4 ta' Novembru wara nofsinhar u l-għada s-Sibt il-ġurnata kollha, fit-teatru tal-Kavallier ta’ San Ġakbu, il-Belt Valletta, aktar minn 40 persuna attivi fil-kamp f'letterarju fi 17-il pajjiż Ewropew, fosthom Malta, se jiddiskutu l-promozzjoni internazzjonali tal-letteratura, il-pubblikazzjoni u t-traduzzjoni letterarja waqt simposju bl-isem ta' Re-Visions - Literary Exchange in an Enlarged Europe.

Nhar il-Ġimgħa 4 ta' Novembru, it-taħditiet u d-diskussjonijiet jibdew fis-2.00 ta' wara nofsinhar u jibqgħu sejrin sas-6.15pm. Bejn is-7.30pm u t-8.30pm imbagħad ikun hemm qari mill-kittieba barranin u kittieba Maltin f'waħda mis-swali ta' fuq fejn ikun hemm il-wirjiet ta' l-arti viżiva. L-għada s-Sibt is-simposju jibda fid-9.00 ta' filgħodu u jibqa' sejjer sas-6.00pm b'waqfa għall-ikel bejn in-12.30 u s-2.00pm. Fis-6.45pm jibda l-qari tax-xogħlijiet letterarji minn awturi Maltin u barranin f'Casa Rocca Piccola, 74, Triq ir-Repubblika, il-Belt Valletta.

Issa li għaddew tmintax-il xahar minn mindu għaxar membri ġodda ssieħbu fl-Unjoni Ewropea, wasal iż-żmien li nħarsu lejn l-istat ta’ l-iskambju letterarju fil-kuntest ta’ koperazzjoni kulturali akbar fl-Ewropa u li nsostnu mill-ġdid ir-rwol ċentrali tal-ftehim bejn il-kulturi differenti fil-proċess ta’ l-integrazzjoni Ewropea.

Dan is-simposju f'Malta qed jittella' minn Literature Across Frontiers (LAF) bi sħab ma' Inizjamed. Is-simposju se jiddiskuti dawn it-temi li lkoll huma rilevanti għas-sitwazzjoni tal-letteratura f'Malta: il-politika, il-metodi u l-istrutturi li jinkoraġġixxu u jippermettu ċ-ċirkulazzjoni ta’ xogħlijiet letterarji u l-mobilità tal-kittieba; ir-rappreżentazzjoni tal-letteraturi tal-lingwi inqas użati fix-xena internazzjonali, u l-ostakli li jsibu biex jixterdu aktar; il-promozzjoni tal-letteratura u x-xogħol ta’ ċentri għal-letteratura u t-traduzzjoni; proġetti li rnexxew fil-qasam tal-ħolqien ta' networks, skambji u koperazzjoni; mezzi għall-pubblikazzjoni tal-letteratura tradotta;u appoġġ pubbliku għall-iskambju letterarju u t-traduzzjoni letterarja.

Għal programm sħiħ u tagħrif dwar il-kelliema u t-taħditiet ara s-sit www.inizjamed.org.

Id-dħul għall-attivitajiet kollha huwa b'xejn u kulħadd jista' jattendi mingħajr il-ħtieġa li jinkiteb minn qabel.

Narakom hemm.

Ħolm

2005-10-16T14:50:00.000+02:00

Ħolm

Il-ħolm bħar-ramel dehbi,
ileqq sabiħ f'għajnejk,
x'ħin taħseb li tkun qbadtu,
jitfarfar minn ma' jdejk.

Is-Sitwazzjoni Preżenti (3)

2005-10-09T20:22:00.000+02:00

Il-qawmien tan-Nazzjonaliżmu Malti huwa fenomenu li qed jinfirex anki barra minn xtutna.

Is-Sitwazzjoni Preżenti (2)

2005-10-09T19:26:00.000+02:00

Fl-opinjoni tiegħi il-kumment li ħalla sieħbi Laser fil-bloggata preċedenti tiegħi laqat il-musmar fuq rasu.

There is only one reason why illegal immigrants are given work, and we all know its not because of the human rights bullshit. That's only used so that we can cover our arse when the real reason is much simpler:

CHEAP LABOUR!

Why giving work to a Maltese, or anyone coming from any part of the world, when you have these illegal immigrants that are ready to work for nothing

Il-problema mhux dovuta biss għall-Ġaħan Malti li mar jipprotesta fid-dimostrazzjoni ta' l-ANR. Avolja hawn nies b'tendenzi razzisti, ma nemminx li s-soluzzjoni ħa nsibuha billi niġġieldu kontrihom. Veru ta' min jikkundanna aġir simili, imma naħseb billi wieħed jipprova jgħalqilhom ħalqhom m'hu ser jieħu xejn.

Il-problema kif naraha jien, hija ta' dak iż-Żaqq Ħara illi jagħmel minn kollox biex isib ħaddiema b'pagi baxxi (u ħafna drabi, anki jġibhom hu). Irridu ngħidu wkoll li l-Malti ma ttihx tort kultant li jirrifjuta li jaħdem ċertu xogħol b'paga miżera. U b'mod konvenjenti hemm l-immigrant li jsodd it-toqob. Allura x'jiġri?

1. Il-Malti jrid jaħdem.

2. Min iħaddem ma jridx jagħti kundizzjonijiet, pagi u assigurazzjonijiet tajba.

3. Il-Malti jirrifjuta - u ma ttihx tort.

4. L-immigrant li lest li jagħmel kollox, jaċċetta u jieħu x-xogħol li potenzjalment kien tal-Malti.

5. Il-kundizzjonijiet ta' l-immigrant huma moqżieża li jfarrku d-dinjità tiegħu bħala bniedem. Li tħallas ħaddiem b'dawk il-pagi miżeri hija mhux biss kundannabbli iżda wkoll punibbli.

6. Il-Malti jinħaraq għax jara xi ħadd li mela l-post vakanti li seta' mela hu kieku ġie offrut kundizzjonijiet bażiċi. Meta jinduna li dan anqas biss kien Malti bħalu jħossu iktar mhedded u maħruq għax jinduna li l-ġlieda għax-xogħol ma tinvolvix biss xi 9,000 Malti.

7. Kulħadd jikkundanna lill-Malti li ħassu offiż li ma ngħatax xogħol.

U allura nistaqsi, għandna nkompli nemmnu li l-Malti li niżel fit-toroq għandna nħaġġruh? Mhux qed ngħid li għamel tajjeb, imma ma naħsibx li qed inħarsu lejn il-problema b'lenti ġusta. L-għeruq tal-problema mhux il-protestant diżilluż li ħareġ jgħajjat 'Malta, Malta' fit-toroq.

U l-għorriefa tal-GWU, minflok joqgħodu jinstigaw iktar mibgħeda bl-iktar mod oxxen u tal-mistħija, misshom jaraw eżattament x'inhu jiġri. U lill-oħrajn li jaħsbu li qed jeqirdu l-ħaxix ħażin billi jqaċċtu z-zkuk, aħjar jindunaw li l-għerq jibqa' jarmi...

Is-Sitwazzjoni Preżenti (1)

2005-10-08T17:43:00.000+02:00

Kulħadd qed jitkellem fuq id-diskors ta' xi għaref li qed ixejjer l-istandard u t-targa tal-ħaddiem. Kont qed naqra l-aħħar bloggata ta' nigredo u bla ma ridt bdew għaddejin ħafna ħsibijiet rigward il-karattru Malti.

Iddeċidejt għalhekk li nħarbex xi punti jien ukoll dwar dil-biċċa xogħol.

(1) Ma naqbilx li għandha titħallat ir-razza max-xogħol. Dan huwa argument pjuttost bażwi fl-opinjoni tiegħi.

(2) Ma naqbilx ukoll li jiġi immigrant (iktar u iktar jekk hu llegali), hu min hu, hu min fejn hu, li jiġi jaħdem Malta jekk hawn Malti kwalifikat (jew anqas) li jista' jagħmel dak ix-xogħol partikolari.

(3) Jekk il-Maltin jibżgħu tant mill-ħaddiema barranin, x'iż-żobb ivvutaw jagħmlu favur sħubija fl-UE meta jafu li b'hekk fetħu l-bibien beraħ għal miljuni ta' ħaddiema barranin?

(4) Il-welfare state għadnu jiġi rivedut u l-benefiċċji li jingħataw lil dawk l-erba' għażżenin li jmorru jirreġistraw għax-xogħol għandhom jinqatgħu llum qabel għada għax xebgħu jerdgħu flus minn fuq dar il-ħaddiem bieżel.

(5) Il-partiti politiċi tilfu kull sens ta' prinċipju, imbasta jirkbu l-mewġa tal-popolarità.

Moviment

2005-09-21T17:27:00.000+02:00

Lapsijiet

Ħolqien

2005-09-21T17:14:00.000+02:00

Lapsijiet

Nota: Din it-tpinġija hija fuq karta ta' daqs A3, u għal daqstant kelli niskennjaha f'darbtejn (infatti tidher linja diviżorja fin-nofs). Minħabba d-daqs, kelli nnaqqas ukoll il-kwalità għax inkella iddum ma titla'.

Lapes u Karta

2005-09-21T16:36:00.000+02:00

La Pietà

2005-09-20T00:03:00.000+02:00

Dan mhux xogħol riċenti (2000) avolja jkolli ngħid li huwa wieħed mill-favoriti tiegħi. Magħmul minn biċċa ġibs u stikka faħam.

B'dedika lil mistoqsija li għoġobha ssebbaħ il-blogosfera bix-xogħlijiet tagħha.

Min jilgħab man-nar...

2005-09-14T22:23:00.000+02:00

Minn Ogħdos:

http://www.di-ve.com/dive/portal/portal.jhtml?id=198306

Golf Pt. II: Il-qaħba tgħajjar lill-oħra ruffjana

2005-09-06T09:15:00.000+02:00

U għal Ta' Ċenċ, fejn żgur li ħa ssir ħsara ambjentali ma jsemmi xejn l-MLP? X'kien? Eh bilħaqq... tgħid miħabba l-fatt li l-MLP irid li jsir żvilupp f'Ta' Ċenċ?

Meta tagħtih daqqa t'għajn dan il-poster malajr jibdew jiżviluppaw stampi ta' Alfred Sant liebes ta' xi supereroj stil ta' Captain Planet, il-protettur ta' l-ambjent li jiġġieled biex jissalvagwardja n-natura tagħna mill-interessi finanzjarji u personali ta' xi erba' bażużli™ kapitalisti.

Imbagħad tinduna li Ta' Ċenċ, għal xi raġuni (xejn) misterjuża, mhux imniżżel fuq dan il-poster; għeb minn fuq il-lista tat-tliet siti proposit għall-iżvilupp (sic). U żgur! Għax il-protettur ta' l-Interess Nazzjonali™ u ta' l-Ambejnt jaqbel li jsir l-iżvilupp f'dak il-post! Imbasta jgħajjar lin-naħa l-oħra l-MLP, meta fl-verità, dal-paroli kollu huwa biss propaganda meskina biex tipprova tqarraq bin-nies. Jekk għandu l-ħila l-partit, jerġa' jistampah dak il-poster u did-darba jsemmieh lil Ta' Ċenċ, ħa naraw l-ispettru kollu u mhux juruna biss dak li jaqbel lilhom. Bħal li kieku żvilupp f'Ta' Ċene mhux Qerda Ambjentali™ wkoll!

Huma wkoll huma kompliċi f'din il-pastażata, u m'għandhomx għalfejn jaraw it-traba f'għajn ħaddieħor meta huma għandhom travu f'għajnhom.

Golf

2005-09-03T13:48:00.000+02:00

Minn Ogħdos:

The Labour leader said that Malta needed three golf courses to satisfy tourist needs -- one in Marsa, by extending the existing one at Marsa Sports Club, one in Ta' Cenc and one to replace the Maghtab dump.

L-għaref l-ieħor ukoll jaħseb li Malta għandha bżonn 54 toqba sparsi mall-pajjiż biex nimxu 'l quddiem. Ma kienx li jerġa' jibda jeqred fuq il-ħofor tal-pajjiż forsi jinduna li proġett bħal dan m'għandniex x'nambuh. X'inhi dil-fissazzjoni kollha biex intaqqbu 'l hawn u 'l hinn? Hemm tant x'isir! Bilfors korsa tal-golf iridu jagħmlu?! Bħal li kieku kull turist li ġej Malta ħa jmur jilgħab il-golf - u ħalluna!

U apparti minn hekk, għala din il-manija li kull fejn jaraw x'imkien mhux żviluppat iridu bilfors inejjkuh? Mhux biżżejjed fottew gżira f'40 sena ta' Indipendenza: ħlief bini u toroq m'hawnx! Ara veru għandhom sens ta' ippjanar dawn in-nies eh u "viżjoni moderna" (biex nerġa nuża terminoloġija Sant-jana).

Tal-mistħija. Dawn iż-żewġ partiti huma veru żewġ uċuħ ta' l-istess munita.

Xemx, Wisq Sabiħa

2005-08-27T11:56:00.000+02:00

Mużika fl-isfond: The Tramps - Xemx

Saħħa lilek Dumink u lix-xemx tiegħi li intfiet fil-baħar skur ta' madwari...

Żvilupp?

2005-08-11T20:07:00.000+02:00

Mid-dehra hawn min mhux kuntent bis-sbuħija naturali tal-pajsaġġ Malti u għaldaqstant f'moħħu qed iberren pjan ta' żvilupp (madonna kemm tistona din il-kelma) fl-inħawi tax-Xagħra l-Ħamra f'Għajntuffieħa u f'Ta' Ċenċ f'Għawdex.

Mhux biżżejjed li fottejna pajjiż b'kaxxi tal-konkrit u qaċċatna siġar bl-addoċċ f'isem l-iżvilupp. Bħalissa qed inħares mit-tieqa u nara l-pastażata li għamlulna fil-wied tal-Kalkara. Oxxenità kbira.

U issa l-għorriefa iridu jagħmlu 18-il toqba f'dak il-ġnien ta' l-Eden biex xi erba' dilettanti joqgħodu jiġru wara xulxin bl-istikkek f'idejhom u joqgħodu jikkompetu bejniethom biex jaraw min jirnexxielu idaħħal il-ballun l-ewwel fit-toqba.

U addijo l-għasafar, il-pjanti u l-veġetazzjoni u l-annimali kollha li jgħixu hemm. Imma dawk ma jitkellmux u ma jħallux qliegħ allura ma jimpurtax. Għarukaża. Tgħid fadal biċċa art mhux mittiefsa f'dawn il-gżejjer? Min jaf ir-risposta jgħamilli pjaċir ma jgħidlix ma jmurx jisimgħu xi għaref u jiddeċiedi li jmur itaqqab it-toqob f'isem l-iżvilupp. Jew min jaf x'jivvinta...

Kull min jista' jattendi, nhar is-Sibt 13 t'Awwissu, ser issir mixja madwar is-sit propost għall-iżvilupp. Min hu interessat jara l-ġmiel naturali li toffri artna għandu jkun fis-6pm quddiem il-Knisja tas-Sannat.
Morru għax hemm ċans li din tkun l-aħħar darba li ser tarawh hekk.

Illuminani Naqra... (It-Tielet Parti)

2005-08-05T05:30:00.000+02:00

Anqas taqtgħu x'ġara dal-lejl f'nofs il-lejl. Żgur li ma taqtgħux. Allura biex ma nkunx kattiv iddeċidejt li nagħtikhom ħjiel żgħir:

(minn kumment li ħalla sieħbi Kenneth fil-bloggata preċedenti)

Nixtieq inqawwilek it-tama, imma la ddeċidew li jaqbdu magħkom u kull meta jkun hemm overload, għalissa se jkomplu jtajru tagħkom. Hekk donnha taħdem is-sistema.

Illuminani Naqra... (It-Tieni Parti)

2005-08-04T05:23:00.000+02:00

Għall-ħabta tad-9 pm (jew ftit qabel) reġa' mar id-dawl. F'dak id-dlam ma tarax tidgħi (avolja xorta rnexxieli) u l-frustrazzjoni għax ma lħaqtx lestejt dak kollu li kelli nagħmel wara l-qtugħ preċedenti, iddeċidejt li nidħol fis-sodda norqod. F'xi nofs il-lejl stenbaħt għax sirt żibel migħajr fannijiet.

Id-dawl reġa ġie fis-2:30 am.

Ammont ta' ħin ta' l-ewwel qtugħ: 5 sigħat
Ammont ta' ħin tat-tieni qtugħ: 5 sigħat u 30 minuta
Total: 10 sigħat u 30 minuta

Nerġa' ntenni l-mistoqsija li għamilt fil-bloggata preċedenti. Kif kellna dan il-qtugħ kollu meta b'pomposità kbira kien hemm min ftaħar li iż-żewġ stazzjonijiet qed ilaħħqu mad-domanda ta' eletriċità? Ta min jitfa' naqra dawl fuq is-sitwazzjoni.

Illuminani Naqra...

2005-08-03T19:03:00.000+02:00

Electricity load reaches an all-time high

MARSA, Malta, (di-ve news) -- August 2, 2005 -- 1500CEST -- The electricity load peaked on Tuesday at 1200CEST at 411MW, the highest mark ever measured.

This is the first summer that recorded a peak load of more than 400MW. On Thursday, 28th July, the electricity load had already reached a peak of 403MW, thus surpassing the overall annual record of 402MW. This increased to 410MW by Monday before today's all-time record of 411MW.

Enemalta Corporation states that it has spare capacity to deal with such a situation however so far there was no need to use the open-cycle gas turbines which are the least cost-effective to use.

Fonti ta' l-artiklu

Interessanti l-aħħar paragrafu. Jekk hemm iż-żejjed, jistgħu jispjegawli kif x'ħin wasalt id-dar wara ġurnata xogħol la sibt qatra ilma kiesħa u lanqas fann idur għax id-dawl kien ilu maqtugħ minn qabel is-1 pm u ma ġiex qabel is-6 pm?

Illuminani naqra Sur Chairman

David Cluett Ħalliena

2005-07-18T20:24:00.000+02:00

Cluett dies aged 39

by di-ve sport

Monday, July 18, 2005

Former Floriana and Birkirkara goalkeeper David Cluett has died after losing his battle against a long illness in England at the age of 39.

Tributes have flowed in for the player, who was hugely popular within the game for his style. A successful spell at Floriana crowned a 16-year playing career.

Born on August 2, 1965, Cluett, a Melita FC product, spent the best years of his career with Floriana FC, forming part of the team that won the premier league in 1992-93. During the following season, Cluett went through 736 minutes without conceding a goal, a national record.

He made his debut for Malta, then under the charge of Bulgarian coach Gencho Dobrev, in an away game against Portugal (2-2) on March 29, 1987, Cluett went on to play 69 times for the national team. His last international match was the 1-0 away in against Macedonia in March 1996.

In his career, Cluett had short spells with Birkirkara and Gozo. Last season, Cluett worked as goalkeepers' coach with Premier League club Msida St Joseph.

(Fonti)

Inħsadt x'ħin wasalt mix-xogħol u ġie ħija ż-żgħir fuqi u qalli "Taf min miet? - David Cluett". Bilkemm stajt nemmen. L-istess plejer li kont tant nilgħab bih fuq Sensible Soccer fi żmien l-Amiga m'għadux magħna. Ħalliena ta' 39 sena.

Kondoljanzi.

Xi Tibdil

2005-07-17T14:26:00.000+02:00

Waqt li kont qed nipprova nimmodifika il-blogg tiegħi (biex nibdel il-titlu tal-kummenti u nagħmlu bil-Malti għax 'kumment/i' bdiet iddejjaqni), għal xi raġuni mhux magħrufa, kull bloggata bdiet tidher darbtejn u f'kemm ili ngħidlek, spiċċajt b'geġwiġija sħiħa. Allura kelli nħassar kull modifika li għamilt u nerġa nibda kollox mill-bidu. Kif kont fiż-żifna iddeċidejt li nneħħi l-kuluri tal-blogg u nagħmlu wieħed aktar sempliċi bi sfond iswed, ħalli jekk xi darba ifettili nżid jew innaqqas xi ħaġa niffranka ħafna logħob żejjed.

Għalissa daqshekk għax ġejja il-ħedla tal-Ħadd wara nofsinhar wara l-ikla ġentilment provduta minn ommi. Ħa mmur naqbad l-antoloġija ta' Achille Mizzi (Poeżiji) u nintefa' fuq is-sodda għall-frisk tal-fann.

Is-sliem.

Kimika (Riċensjoni)

2005-07-08T00:08:00.000+02:00

Illum wara li mort ġibt il-kondotta għax nhar it-Tnejn ħa nibda xogħol (part-time għas-Sajf) mal-Foster Clarks. U bħalma nagħmel kull darba li nitla' l-Belt, noqgħod indur s'għand tal-kotba biex nara x'hemm interessanti (u ħafna drabi nixxennaq daqsxejn għax peress li finanzjarjament mhux qiegħed xi tajjeb ħafna, mhux dejjem inkun nista' nixtri l-kotba kif ġieb u laħaq). Allura nasal wasla s'għand Sapienzas u nitla' sa fuq fejn hemm is-sezzjoni tal-letteratura Maltija. Wara naqra tfittxija nitfa' għajnejha fuq Kimika, l-aħħar ġabra ta' stejjer ta' Immanuel Mifsud. Dan il-ktieb kont ili nistennieh bħal ħafna dilettanti tal-letteratura Maltija kontemporanja, kemm għax lil Immanuel inqisu l-aħjar kittieb tal-ġenerazzjoni tiegħu, kif ukoll minħabba l-fatt li l-istorja movimentata ta' dan il-ktieb, bl-intriċċi u l-kummiedji li kellu jiffaċċja qabel sab ruħu fuq l-ixkafef tal-libreriji, kompliet żiedet l-aspettattivi tal-pubbliku u fl-istess ħin qanqlet sew il-kurżità. Huwa minnu li possibilment, din il-viċenda kienet pjuttost ħaġa frustranti għal Immanuel, iżda minn naħa l-oħra naħseb li din serviet ta' riklam tajjeb ħafna għal ktieb. Kif jgħid il-Malti, "Kull deni ħudu b'ġid".

Insomma, Kimika kont diġà rajtu xi darbtejn qabel fuq l-ixkafef imma peress li ma kellix flus fuqi ma kontx xtrajtu. Iżda llum kont determinat li ninżel lura d-dar jew bih jew inkella bl-aħħar ġabra ta' poeżiji ta' Immanuel, KM. Onestament ma nafx għala ppreferejt nixtri Kimika. Forsi minħabba d-disinn intriganti fuq il-qoxra tal-ktieb (ara l-istampa iktar 'l isfel). Forsi għax il-ġimgħa li għaddiet erġajt qrajt L-Istejjer Strambi ta' Sara Sue Sammut għal ma nafx kemm-il darba għax kont mejjet għal żewġ stejjer tajbin (għalkemm qed niġi fiha, dil-ġimgħa erġajt tajt daqqa t'għajn liż-żewġ kotba ta' poeżija ta' Immanuel: Il-Ktieb tar-Riħ u l-Fjuri u Fid-Dar ta' Clara, jiġifieri ma naħsibx li dik hija r-raġuni prinċipali). Imma nsomma biex ma ntawwalx, qbadt l-ktieb u ħallast lill-kaxxiera isfel u ħriġt kuntent mill-ħanut. Mort dritt fuq tal-linja u tajt daqqa t'għajn il-ktieb u mill-ewwel laqatni l-mod professjonali ħafna ta' kif ġie ppreżentat. Il-karta sabiħa, it-tipa ċara u l-qoxra sublimi. Laqatni wkoll l-bollin żgħir fuq in-naħa t'isfel tal-ktieb li jgħidlek 'Avviż – dan il-ktieb hu ntiż għall-qarrej matur' - probabbli l-ewwel darba li ktieb Malti kellu tikketta fuqu minħabba l-kontenut possibilment espliċitu ta' ġo fih. U bħal meta tkun żgħir meta tara xi ħaġa pprojibita iktar tqanqlek.

Il-qoxra ta' Kimika

Dik l-istampa ta' tfajla mħasbba, rassenjata, tiftaħlek it-tieqa u tistiednek tħares ġewwa lejn is-swidija ġġiegħlek tħares lejha iktar milli suppost. Bħal donnha qed turik x'hemm lest għalik wara l-ewwel qoxra tal-ktieb.

Il-ktieb jiftaħ bi storja ħelwa, Kap I, li huwa preludju adattat għall-ktieb ta' dan il-ġeneru għal ħafna raġunijiet. L-ewwel nett jurik il-kuntrast tal-letteratura antika u l-letteratua romantika (dik li nħobb insejħila 'tal-massa' li normalment jinxtraw minn nisa) fejn kollox sabiħ u l-imħabba tipprevali fuq kollox u jirnexxielha tegħleb kull avversità, u l-kitba ħarxa, kerha u li ddarras ta' Mifsud li ma jibżax juża terminoloġija meqjusa vulgari u wisq anqas jibża jitratta suġġetti tabù bħall-relazzjonijiet barra ż-żwieġ, il-prostituzzjoni, id-droga, l-omosesswalità, l-abort, is-sadiżmu u l-pedofelija. Kap I tagħtik x'tifhem li ħafna drabi l-imħabba u l-ħajja huma biss illużjoni ta' ftit mumenti u li fis-soċjetà tal-lum dawn l-affarjiet ftit li xejn għadhom jeżistu. Għalxejn nippruvaw ninħbew wara subgħajna - is-soċjetà tal-lum hija mmerma u mikula. Imbagħad meta nisimgħu b'xi każ fuq xi aħbarjiet nitkexku u ngħidu "ara fiex ġejna!" bħal li kieku mhux dejjem konnha hemm. Id-differenza li hemm min ma jridx jagħti kas u jitfa' kollox taħt it-tapit (u bħat-trab taħt it-tapit dejjem jakkumula). Dan huwa propju l-kontra ta' dak li qed jagħmel Mifsud f'Kimika, għax bħal dik it-tfajla fuq quddiem, jiftaħ it-tieqa lejn is-swidija u l-kruha ħalli tara x'hemm ġewwa. U fid-dlam ma tkunx taf x'hemm lest għalik. Għax id-dlam ibeżżgħek. Id-dlam iġibek konxju ta' kemm tkun waħdek, ta' kemm qed tħawwad, ta' x'mar ħażin. U dak li jgħidulna l-karattri ta' Kimika. Li huma waħidhom, li qed iħawwdu, li għamlu l-iżbalji, li issa intilfu fid-dlam u ma jistgħux isibu t-triq lura, u li kien hemm min tefagħhom fid-dlam u ħallihom hemm waħidhom.

Xi ħaġa li dejjem tolqotni fil-kitbiet ta' Immanuel Mifsud huwa l-fatt li ma jikkundannax lill-karattri u jħalli kollox f'idejn il-qarrej biex jiġbed linja u jifforma konklużjoni. Iżda ħafna drabi, din il-linja hija sottili żżejjed u mhux faċli tagħti ġudizzju kif ġieb u laħaq (u fuq kollox, min aħna aħna biex nagħtu ġudizzju? Min jiskonġra jrid ikun pur u f'did-dinja min hu?). Din hija evidenti ħafna fl-istorja 'Zerafa' fejn avolja l-karattru prinċipali huwa sadist u pedofelu li iġiegħlek tobgħodu, b'xi mod l-awtur iġiegħlek titħassru xorta waħda meta jurik minn xiex għadda hu meta kien żgħir. Xi darba kien vittma hu wkoll u sal-lum il-ġurnata għadu vittma tal-passat tiegħu. Huwa minnu li llum il-ġurnata jagħmel dak li jagħmel, iżda kieku l-passat ma kienx kiefer miegħu, illum il-ġurnata kien jagħmel hekk ukoll? U allura iġibek bejn ħaltejn għax minn naħa jagħtik demm toqtlu u minn naħa l-oħra titħassru u tixtieq li l-passat ma kienx daqshekk kiefer miegħu ħalli forsi llum il-ġurnata ħajtu kienet tkun differenti u l-vittmi tiegħu illum il-ġurnata ma jkunu vittmi xejn. L-awtur bħal donnu jemfasizza li l-karattri tiegħu huma prodotti ta' l-ambjent li trabbew fih meta kienu żgħar u dan huwa evidenti ħafna fi stejjer bħal din li semmejt u 'Sonia'.

Bħalma fetaħ, il-ktieb jagħlaq fuq togħma inqas morra iżda mhux inqas niggieża ta' l-istorja 'Il-Kumpanni ta' l-Ordni tal-Mertu'. Storja ħelwa li niftakar li niżlet tajjeb ħafna ma' dawk preżenti għall-attività mtella mill-Inizjamed fl-okkażjoni tal-Jum Dinji tal-Ktieb (Ara wkoll hawn)

Lil hinn mit-temi tal-ktieb, l-istejjer huma rakkontati b'mod eċċellenti, b'kitba mexxejja u mingħajr ħafna tidwir mal-lewża u tlaqliq imma xorta waħda b'mod li mhux simplistiku. Bħas-soltu jiddomina l-lingwaġġ kultant iebes u vulgari li iżda huwa użat b'mod meqjus ħafna. Lingwaġġ differenti ħafna mir-romantiċiżmu poetiku li rajna fil-poeżiji tiegħu, speċjalment dawk li dehru fil-ġabra 'Il-Kiteb tar-Riħ u l-Fjuri'.

X'ħin spiċċajt il-ktieb indunajt forsi għaliex il-Progress Press kienet imħassba bil-ktieb. Il-kontenut tiegħu mhux wieħed li faċli tiddiġerixxi. Mhux stejjer ħelwin ta' mħabba mitlufa u misjuba, u ta' prinċpijiet lebsin il-blu riekba żwiemel bojod. Dawn m'humiex stejjer. Dawn huma r-realtà - realtà kiefra li tkexkex. Minn hawn ngħid prosit kbira lil Klabb Kotba Maltin li urew fiduċja f'dan il-kittieb u li ma beżgħux jippubblikaw ktieb ta' din ix-xorta. Dan huwa l-ktieb numru 201 fis-sensiela KKM. Nispera li dak il-wieħed issa ma jkunx l-ewwel u l-aħħar ktieb ta' din ix-xorta. Dawn il-kotba 'jaħarqu' m'għandhomx jitwarrbu fil-ġenb sempliċiment minħabba t-temi ttrattati u l-lingwaġġ 'mhux pulit' li jiġi wżat. Sempliċiment għax m'humiex tal-massa u jittrattaw affarjiet iktar komuni li jinżlu tajjeb ma ċerti qarrejja (bħal kotba ta' Attilio Poppardi). Hemm bżonn li kittieba oħra bħal Immanuel, li jkollna ngħidu mhux l-uniku wieħed (tiġi f'moħħi ukoll Clare Azzopardi), jingħataw sostenn u apprezzament f'dak li qed jagħmlu.

Wara li tkun qrajt kapulavuri oħra ta' Mifsud bħal 'L-Istejjer Strambi ta' Sara Sue Sammut', tibda titħasseb jekk il-ktieb suċċessiv hux ser ikun ta' l-istess livell; iżda żgur li b'Kimika, Mifsud ma jiddiżappuntax.

Immanuel Mifsud sar l-ambaxxatur tan-naħa mudlama tas-soċjetà li qed ngħixu fiha. Iħossu fid-dmir jurina dak li ma rridux naraw, u jsemmgħalna dak li ma rridux nisimgħu. Għax dik hija r-realtà kiefra li qed ngħixu fiha. U ma nistgħux naħarbu minnha.

Morru ixtruh.

Aqra ukoll ir-riċensjoni ta' Nigredo.

Min Imaqdar Irid Jixtri!

2005-07-04T23:35:00.000+02:00

Kont qed naqra dan l-artiklu fuq il-ġurnal elettroniku di-ve rigward il-Konferenza Ġenerali Straordinarja tal-partit laburista. Fost ħafna kliem kien hemm din:

"A Labour government will not pull out Malta from the EU. We will abide by the decision of the Maltese electorate", he reiterated.

Dr. Sant said that the Labour party was always consistent with its democratic credentials.

"After losing the 2003 generals elections, we decided to change our policies to be able to move forward. We have come a long way. At the end, against all odds, we were awarded for our efforts, by winning the 2004 EP elections", Alfred Sant explained.

U jien nistaqsi, għaliex l-ewwel għajtu "ragħjna f'idejna" u issa f'daqqa waħda intesa kollox? Sant qed jagħmel dan f'isem id-demokrazija jew inkella għax jibża' li ikollu disfatta oħra elettorali u jibqa' taħtha? Jien dejjem tgħallimt li l-ebda ħaġa ma tibdilli l-prinċipju jekk vera nemmen fih b'ruħi u b'ġismi. Allura, dan l-aġir minn naħa ta' Dr. Sant ifisser li m'għandux prinċipji sodi u li qatt ma emmen bis-sħiħ fil-'partnership'? Minn naħa l-oħra, Karmenu Mifsud Bonnici dejjem baqa' konsistenti fi kliemu u f'għemilu. Għadu jemmen sal-lum li l-UE ma tgħoddx għalina u ma beżax jistqarr dan quddiem kulħadd. Jekk tista' tgħajjru f'kollox lil KMB, żgur li ma tistax tgħidlu pinnur għax il-fehma tiegħu hemm baqgħet, soda daqs qatt qabel.

Li qed jagħmel illum il-ġurnata Alfred Sant huwa l-istess aġir li tant tkaża bih meta għamlu Eddie Fenech Adami; jiġifieri, li jiġbor kemm jiflaħ voti minn fuq l-elettorat injorant. Wara snin sħaħ iħambaq u jgħajjat "La Brussel trid hekk, hekk isir!" u "ossessjonati" b'riferenza għall-fatt li l-pupazzi blu kienu jiċċaqalqu u jaġixxu kif tgħidilhom l-UE, illum kellu jirtira kliemu. Tħajjar juża l-UE kif għamel il-PN biex jiġbor il-voti. Ara vera każ ta' min imaqdar irid jixtri. Illum il-ġurnata spiċċajna b'żewġ partiti li tilfu l-prinċipji tagħhom u ħlief jgħaqdu u jduru fil-vojt ma jagħmlux. Qas jafu x'iridu u x'inhi politika, u sadanittant, il-ħaddiem ikompli jitgħakkes u jgħoddos fil-ħama.

Jiena lil Alfred Sant għandi stima lejh bħala raġel għax qatt ma waqa' fil-bassezzi tal-predeċessuri tiegħu u tal-PN. Iżda dawn l-affarjiet iħassbuni mhux ftit. Ippretendejt li bħalma emmen u ħambaq li l-UE mhux tajba għal Malta (u forsi kellu raġun għalkemm mhux neċessarjament minħabba r-raġunijiet li kien isemmi), wara l-elezzjoni ġenerali fejn il-poplu urih biċ-ċar li ried isir membru ta' l-UE, missu żamm mal-prinċipji tiegħu u warrab minn mexxej u ma jerġax jikkontesta għall-elezzjoni! Mela jikkontesta xorta waħda għax kien jaf biċ-ċar li kellu l-appoġġ mill-irjus kbar fil-partit! Kif jista' xi ħadd ikollu twemmin mod, u imbagħad ibiddel kollox kif ġieb u laħaq biex jidher ħelu? Mela issa m'għadux tradiment nazzjonali? Dawn x'affarjiet huma!

B'dan l-aġir, Sant wera kemm huwa inkonsistenti u forsi wieħed għandu jaħsibha darbtejn qabel jafdah. U jekk niġu f'dan 'qas in-naħa l-oħra ma tista' tafda. Infatti, hemm probabiltà kbira li ħadd ma jieħu l-vot tiegħi fl-elezzjoni ġenerali li jmiss, mhux għax jien għalabiebi, iżda għax ma hawn ħadd denju! Jgħidulek li għandek dritt u dmir tuża l-vot fl-aħjar mod bl-ikbar responsabbiltà. U dak li ħa nagħmel infatti.

Dawn il-politiċi qed juruna biċ-ċar li dak kollu li qed jagħmlu qed jagħmluh għall-glorja personali tagħhom u mhux għal Malta u l-Maltin. Lesti nqaħħbu l-prinċipji tagħna għall-poter u l-popolarità (u kif inkunu hemm, ninħbew wara d-demokrazija).

Il-poter l-ewwel u qabel kollox!

(b'apoloġija lil Dom Mintoff)

Il-Fenomenu ta' l-Ibbloggar

2005-07-03T11:07:00.000+02:00

Irċevejt din l-email minn Xarabank.com

Jidher li l-fenomenu ta' l-ibbloggar qed jinfirex u Xarabank.com tħajru jaqbżu fuq il-karru wkoll.

Dear members,

Finally, the long awaited x.blog - Malta's first multi-user blogging system is online!

The system is fully integrated to xarabank.com so current members need only activate their blog without the need to reregister and enter all their details. It is so simple!

Here are some of the superb features of our x.blog:

Weblogs can be created by any member of xarabank.com
Fully Customizable weblogs for those approved by an administrator.
Full posting system with unlimited comments.
Calendar and/or a simple Previous/Forward link to view past entries
Selectable styles for simple mode, and as a base for the advanced mode.
4 Levels of authentication to allow certain people to view their weblog (All viewers, Registered Only, Friends Only, or Weblog Owner)
Mood, and Action Icons per entry to specify the mood that the owner is feeling and what he/she is currently doing.
RSS script for rss feeds.
HTML, BBCode, and Smilies can be used

VISIT www.xarabank.com NOW and start x.blogging!

Pink Floyd

2005-07-03T10:54:00.000+02:00

Ilbieraħ is-Super 1 TV jekk ma jgħamlu qatt xejn tajjeb (apparti forsi li jġibu ħabbara l-ġmiel tagħhom biex jaqraw l-aħbarjiet), irnexxielhom ixandru l-kunċert Live8 bid-delay. Dan ifisser li irnexxieli nara l-Pink Floyd idoqqu darbtejn fl-istess serata, darba fuq ir-Rai 3 u darb' oħra fuq is-Super 1.

Għal ħafna nies, ir-riunjoni tal-Floyd kienet żgur l-iktar ħaġa mistennija, nażżarda ngħid iktar mill-laqgħa propja tal-G8. Iżda avolja jien, bħal xi wħud, qed inkun ċiniku, xorta qattajt ġurnata fuq ix-xwiek nistenna l-mument li narahom fuq il-palk.

U jkolli ngħid li x'ħin rajthom hemm fuq il-palk qalb dik il-folla f'Hyde Park ħassejtni kommoss. Bejn għax il-Floyd issa ili nismagħhom mhux ħażin u allura l-fatt li reġgħu ingħaqdu mill-ġdid wara dan iż-żmien kollu tista' tgħid li kienet xi ħaġa storika. Bejn għax il-Floyd iġibuli ħafna memorji ta' meta kont iżgħar nipprova ndoqq is-solos ta' Gilmour fuq kitarra elettrika rħisa f'kamarti. Memorji tas-Sixth Form il-kulleġġ ta' De La Salle. Memorji ta' l-erbgħa snin tal-B.Sc. bit-taħwid u l-problemi, daħk u biki, imħabba u n-nuqqas tagħha, ħbieb u għeddewa li ħabbat wiċċi tul dak iż-żmien.

Naħseb ukoll ikkommovejt ruħi għax ilbieraħ lil Floyd rajthom xjuħ u għajjenin. Il-band rivoluzzjonarja li kitbet paġni sħaħ fl-istorja tal-mużika ilbieraħ dehret sfurzata, bla ħeġġa. Ma nixtieqx ngħid li kont kompletament diżappuntat għax donni kont naf x'inhu ġej, imma xorta, ħassejt li l-maġija kienet nieqsa.

the time is gone,
the song is over,
thought they'd something more to say...

(b'apoloġija lill-Pink Floyd)

Tabellina

2005-07-03T09:47:00.000+02:00

U fl-aħħar waslet ukoll it-Tabellina: il-ġurnal ta' ħsieb kritiku kontemporanju.

Sondaġġ Interessanti

2005-07-03T09:44:00.000+02:00

'Bad Taste'

2005-06-17T22:24:00.000+02:00

Kont qed inqalleb fuq id-Di-ve u laqatni dan l-artiklu.

Crematorium building protest

by Editor di-ve.com

ST.PAUL'S BAY, Malta (di-ve news) -- June 17, 2005 -- 1730CEST -- Residents of St. Paul's Bay are campaigning against a proposal of building a crematorium at Is-Safsafa limits of St. Paul's Bay.

Some residents are concerned at the level of dioxin emissions and bad smell that might come from the site.

They have already distributed a petition sheet to be signed by the other residents.

"We do not want another Auschwitz next to our homes, please sign", the petition says.

The residents are arguing that the area is situated outside development zone, next to a residential area of Wardija and Xemxija.

An approval of the application submitted by Charles Grech is still pending. In his application presented to the MEPA, Mr. Grech expressed his interest to erect a crematorium and ancillary facilities.

(Fonti)

Ikolli nammetti li ħassejtni kemxejn imdarras bir-riferenza għal Auschwitz. Filwaqt li naqbel li m'għandux jingħata permess għal krematorju viċin l-abitat u nifhem l-ilment imressaq mir-residenti, kien hemm għalfejn tintuża din l-analoġija biex jinġabru nofs tużżana firem? Veru każ ta' bad taste tipikament Malti.

Xi kultant...

2005-06-15T21:23:00.000+02:00

Illejla ma nafx x'tani. Għada għandi l-aħħar eżami ta' l-anatomija u m'għanidx moħħ nirrevedi l-affarjiet, u naf li ma nistax nitlef marki minnu. Imma f'daqqa waħda ġewni ħafna ħsibijiet li mhux qed iħalluli spazju biex naħdem; biex inkun sinċier, naħseb il-ħsibijiet ilhom hemm. U mhux ħsibijiet dwar xi ħaġa partikolari iżda dwar viżibilju ta' affarjiet.

Xi kultant naħseb li għamilt xi kazzata tremenda xi darba f'ħajti u issa ma nistax nieqaf milli nagħżaq fl-ilma. Veru hemm ħafna affarjiet li xtaqt għamilt, imma hemm wisq iktar affarjiet li xtaqt m'għamiltx jew inkella nixtieq li għamilt b'mod differenti. Imma wara kulħadd għaref. Taħseb li tkun għamilt l-aħjar għażla u tlieta, ħames, seba' snin wara tinduna li forsi aħjar kieku għażilt it-triq l-oħra meta kien għad kellek iċ-ċans. Hemm min jgħid qatt ma hu tard meta tkun trid tagħmel xi ħaġa imma naħseb min jgħid hekk ma jkunx realistiku.

U allura issa x'tagħmel? Ma tantx jifdallek x'tagħmel ħlief tibqa' miexi 'l quddiem u tara kif tkampa u tipprova tgħid li d-dinja mhux daqshekk kerha daqs kemm qed tpinġiha; li s-sema mhux daqshekk griża daqs kemm tidher.

Nixtieq narmi l-passaport u l-bagalji kollha għax il-vjaġġ qed ikun twil wisq, u l-piż li qed inġorr ħafna drabi nħossu tqil wisq. Imma fl-istess ħin inħoss li ma nistax narmi l-bagalji għax dawk huma l-affarjiet li għandi. Qed inħossni mitluf u ma nafx fejn sejjer. Sirt nimxi biex ngħid għamilt pass u mhux għax inkun naf għaliex. U l-uniku dawl li qed nara fl-aħħar tal-mina huwa d-dawl ta' tren ġej dritt għal fuqi.

Skużawni ta' din il-bloggata pessimista llejla. Naħseb aħjar immur nistudja dik il-qaħbeċ anatomija.

Il-lejl it-tajjeb.

U l-Ħnieżer Ser Jerġgħu Itiru...

2005-06-12T23:00:00.000+02:00

Bi pjaċir qrajt l-aħbar li l-grupp leġġendarju, u probabilment, il-grupp per eċċellenza, il-Pink Floyd, ser jerġgħu jingħaqdu għall-avveniment organizzat minn Sir Bob Geldof u Midge Ure, il-kunċert Live 8. Aqra iktar dwar dan l-avveniment hawn u hawn.

Il-famuż ħanżir itir bejn iċ-ċmieni ta' Battersea power station ta' Londra. Ritratt ta' dan il-ħanżir ġie immortalizzat fuq il-qoxra ta' l-album Animals.

Il-ħanżir itir f'wieħed mill-kunċerti tal-Floyd.

Il-Gidma tal-Mewt

2005-06-12T15:08:00.000+02:00

Fettili nara it-Torċa llum u inzdertajt artiklu dwar il-klieb 'vjolenti'. Fl-aħħar ta' l-artiklu kien hemm stħarriġ - Taqbel li għandu jkun obbligatorju (bil-fors) li l-klieb perikolużi jintlibsilhom s-sarima? Ir-risposta setgħet tinbgħat lil artikolist innifsu Brandon Pisani, permess ta' l-email. Jien iddeċidejt li niktiblu ittra minflok.

Sur B. Pisani,

Qed niktiblek din l-email b’riferenza għall-artiklu li ktibt dwar il-klieb hekk meqjusa ‘vjolenti’, liema artiklu li ġie ippubblikat fil-ġurnal it-Torċa pġ 8 – 9, tal-Ħadd 12 ta’ Ġunju, 2005.

Xtaqt nibda billi ngħidlek x’naħseb jien dwar dawn il-klieb ‘vjolenti’. Jiena nemmen li:

1. Kwalunkwe kelb li jkun trattat b’mod krudili u mgħallem għall-ġlied jista’ jkun vjolenti u jattakka bniedem jew annimal ieħor. Kwalunkwe kelb ta’ kwalunkwe razza jista’ jiġi mibdul f’kelb perikoluż u fil-maġġor parti tal-każijiet, it-tort ikun ta’ sid il-kelb u mhux tal-kelb inniffsu.

2. Kull sid irresponsabbli jista’ joħloq sitwazzjoni li tpoġġi lil persuna oħra f’periklu li tiġi attakkata minn kelb, anke jekk dan il-kelb ma jkunx meqjus bħala ‘perikoluż’.

3. Kwalunkwe kelb, anke dawk li huma inġustament meqjusa vjolenti jista’ jkun annimal mans u fidil. Il-fatt li jiġi xi ħadd iħares lejn kelb, u jgħidlek jekk hux vjolenti jew le minħabba r-razza tiegħu hija xi ħaġa pjuttost ridikola fl-opinjoni tiegħi. Personalment naf b’każi fejn klieb meqjusa perikolużi bħal German Shepherd, Pitbulls u Rotweillers qatt ma attakkaw jew għamlu ħsara lil xi ħadd. Imbagħad issib Chihuahuas jew Poodles li allaħares tersaq lejhom għax jaħtfuk.

Allura, jekk qed jiġi propost li il-klieb perikolużi jiġu mlibbsa sarima, il-mistoqsija kruċjali f’dan il-każ ser tkun: kif ħa tiddetermina jekk kelb huwiex perikoluż jew le?

Xtaqt allura inġib għall-attenzjoni tiegħek żewġ każijiet. L-ewwel wieħed jittratta kelb tar-razza Pomeranian li attakka tarbija u qatilha. ("Baby Girl Killed by Family Dog," Los Angeles Times, Monday, October 9, 2000, Home Edition, Metro Section, Page B-5.). Ta’ min jgħid li dan il-kelb la jidher u lanqas jitqies bħala kelb vjolenti. Din l-istampa li turi r-razza ta’ kelb li qed insemmilek, hija prova ta’ dan.

It-tieni każ li semmejtlek f’din l-email huwa dwar salvataġġ ta’ mara mwettaq minn żewġ Pitbulls. Aħbar li ma tantx tisma’ bħalha mill-ġurnali, propju għax dawn iħobbu jaqbdu wisq ma ċertu kategorija ta’ klieb u jitfgħu dell ikrah fuqhom; bħallikieku l-pitbulls biss jigdmu n-nies.

2 pit bulls rescue Nebraska woman from red chow
Tuesday April 12, 2005 6:23pm

OMAHA, Neb. (AP) - Two dogs whose breed has a reputation for being mean played the roles of rescuers for a woman who was being attacked by another dog.
A red chow was on top of Angie Pecoraro, 22, in her yard on Monday when two pit bulls jumped over a fence and fought off the chow, Nebraska Humane Society spokeswoman Pam Wiese said. Witnesses said the chow had bitten Pecoraro several times on her hands, arms and stomach, Wiese said.
An ambulance took Pecoraro to a hospital, where she was treated and released, Wiese said.
The Humane Society impounded the chow, and its owner was ticketed for not having the dog restrained and for harbouring a dangerous animal. It will be quarantined to make sure it doesn't have rabies, Wiese said.

(Fonti ta’ l-artiklu: http://www.wjla.com/news/stories/0405/220329.html)

Eżempju ta’ Chow:

Temmen li dawn il-klieb li urejtek fl-istampi jistgħu jaslu biex joqtlu tarbija jew jattakkaw persuna? B’garanzija li kieku kellek tistaqsi din il-mistoqsija lin-nies kulħadd iwieġbek fin-negattiv.

Rapporti u studji li saru mis-CDC (Center for Disease Control and Prevention) fl-Amerika, juru biċ-ċar li kwalunkwe kelb jista’ jkun implikat f’attakk vjolenti u li fil-maġġor parti tal-każijiet, it-tort ikun ta’ trobbija ħażina minn naħa tas-sid tal-klieb.

Allura fid-dawl ta’ dawn ir-raġunijiet li semmejtlek hawn fuq, ikolli ngħid li l-istħarriġ li pproponejt fl-artiklu tiegħek ma jagħtix eżattament stampa ċara tas-sitwazzjoni. Naħseb kien ikun ħafna aħjar li kieku poġġejt il-mistoqsija bħala:

Taqbel li għandu jkun obbligatorji li l-klieb kollha jintlibsu sarima meta dawn ikunu f’postijiet pubbliċi?

Personalment, għal din il-mistoqsija nirrispondi iva. Naqbel li kull kelb li jkun f’post pubbliku għandu jiġi miżmum b’ċinga u b’sarima. U dan mhux qed ngħidu għax ma nħobbx l-annimali, iżda għax nemmen li fl-aħħar mill-aħħar kull kelb jista’ jkun ta’ periklu, speċjalment f’post fejn hemm it-trabi u t-tfal żgħar.

Saħħiet,

Roderick Mallia

Naqra nifs fl-aħħar...

2005-06-09T01:24:00.000+02:00

Wara ħafna qed nerġa nikteb xi ħaġa f'dan il-blog. llum lestejt l-aħħar eżami ta' kitba li kelli. Dan ma jfissirx li ħlist minn kollox għax fis-16 ta' Ġunju fadalli l-prattiku ta' l-anatomija x'nagħmel. Imma għallinqas issa nista' nieħu daqsxejn tan-nifs. Kien xahar pjuttost medjokri u stressanti - maqtugħ mid-dinja nistudja fuq kif l-ormoni jaffettwaw dak it-tali organu u kif il-vina tgħaddi minn ħdejn dak l-organu biex tingħaqad ma' vina oħra li tispiċċa f'organu ieħor. Il-kors tal-mediċina mhux kors faċli - interessanti iżda mhux faċli. Jien ma jdejjaqnix personalment għax meta xi ħaġa tkun diffiċli biex takkwistaha jibda jidħol is-sens ta' kompetizzjoni. U jien minn daqshekk rasi pjuttost iebsa meta nkun irrid nagħmel xi ħaġa. Issa nispera li għallinqas dan ix-xogħol kollu jkun sewa għal xi ħaġa.

Insomma, ħa nwarrab daqsxejn l-istudju llum. Illejla ddeċidejt li nqatta' sagħtejn nixrob kafè għall-kwiet u ma nagħmel xejn ħlief nisma naqra mużika jazz. Biex inkun eżatt, iddeċidejt li nwarrab naqra lil Miles Davis u l-cool jazz tiegħu u nintefa' daqsxejn iktar fuq il-fusion. Sa ftit ilu kont qed naffaxxina ruħi bil-Mahavishnu Orchestra. L-albums tagħhom The Inner Mounting Flame u Birds of Fire huma verament eċċellenti u l-istess jista' jingħad għall-kapaċità fuq il-kitarra ta' John McLaughlin. Bħalissa għandi xi albums ta' Frank Zappa għaddejin (Jazz From Hell u Hot Rats). Zappa għandu stil vera partikolari: mużika kumplessa u doża tajba ta' umoriżmu. Frank Zappa kont smajt bih ħafna drabi (bħal ngħidu aħna fid-diska Smoke on the Water tad-Deep Purple) iżda ddeċidejt li nesplora r-repertorju vast tiegħu wara li skoprejt li Steve Vai kien beda l-karriera mużikali tiegħu fil-band ta' Zappa. Infatti l-ewwel albums ta' Steve Vai jiġifieri Flex-able u Flex-able Leftovers huma pjuttost influwenzati mill-istil ta' Zappa u l-fatt li f'xi diski ikanta Zappa ikompli isaħħaħ dan il-fatt. Wara dawk l-albums l-istil ta' Vai inbidel kompletament avolja l-mużika tiegħu baqgħet kumplessa u xi mdaqqiet umoristika.

Qed ninnota li hawn diġà s-sagħtejn ta' filgħodu. Issa nqatta' xi ftit tal-ħin ieħor naħdem fuq artiklu għall-Wikipedija qabel immur nitkebbeb bħal-fetu. Fl-aħħar ser ikolli ħin nikteb xi artikli għal din l-enċiklopedija li kulma tmur qed dejjem tikber. J'alla nsibu iktar kontributuri għal dan il-proġett.

Tlaqt nagħmel l-aħħar tazza kafè tal-ġurnata (jew l-ewwel waħda tal-ġurnata skond kif trid taraha).

Il-lejl it-tajjeb.

Ktieb Għall-Ħruq

2005-04-29T13:09:00.000+02:00

L-avveniment organizzat mill-Inizjamed f'Jum il-Ktieb kien verament pjaċevoli. Adrian Grima ħaqqu kull prosit għall-organizzazzjoni ta' dik is-serata. Il-post li ntgħażel, jiġifieri l-Imħażen ta' Caraffa kienu verament adattati għas-serata.

Kif diġà qal Ġużè Stagno fil-blogg tiegħu, l-preżentazzjoni teatrali diretta minn Marcelle Theuma ta' l-istorja ta' Clare Azzopardi "Jien ix-Xhud" kienet possibilment l-aktar ħaġa interessanti fis-serata. Smajt ħafna kummenti dwarha: kien hemm min m'għoġbitux, min raha bħala xi ħaġa oriġinali u nnovattiva, u min inħasad b'ċertu lingwaġġ użat (partikolarment id-dawgħa). Personalment, ikolli nammetti li għoġbitni ħafna probabilment minħabba l-mod oriġinali kif ġiet preżentata l-istorja.

Wara din ir-reċta kien imiss lili nippreżenta x-xogħol tiegħi. Ikolli nammetti li kont daqsxejn emozzjonat għax mhux ħaġa ta' kuljum li titla' taqra xogħol minn tiegħek flimkien ma' wħud mill-awturi kbar li għandna. U terġa' u tgħid, din kienet l-ewwel darba li ppreżentajt xogħol minn tiegħi quddiem in-nies. Imma nsomma, ma naħsibx li mort daqshekk ħażin.

Minn fost il-poeżiji, diffiċli nsib xogħlijiet li laqtuni iktar mill-oħrajn għax kollha kienu tajbin ħafna. Interessanti l-kumment li għadda Ġużè, fejn qal li kieku kien ikun aħjar li kieku kien hemm inqas poeżiji fis-serata. Huwa minnu imma li n-nies dehret li ħadet ħafna gost bix-xogħlijiet ta' Ġuże Stagno (u l-ktieb 'filosofiku' tiegħu miktub minn Arnold Schwarzenegger) u Immanuel Mifsud. Xogħlijiet ħfief, li nisslu iktar minn tbissima waħda fost l-udjenza. Forsi veru li ikun hemm min ma tantx jifhem il-poeżija u jippreferi xi ħaġa b'laqta komika jew inkella xi ħaġa pjuttost iktar konkreta mill-metafori poetiċi. Naħseb għandu ikun hemm bilanċ bejn it-tnejn biex tkun tista' tolqot il-gosti ta' kulħadd. Imma kien hemm ukoll il-fattur tal-ħin li forsi seta' żamm lura l-preżentazzjoni ta' iktar proża, għax għall-kuntrarju ta' poeżija li forsi ddum tinqara xi minuta, storja teħodlok ħafna aktar. U bi 17-il awtur kienet tkun daqsxejn ta' problema. Adrian Grima ħass li s-serata damet wisq, aħseb u ara x'kien jiġri li kieku kien hemm iktar xogħlijiet ta' proża. Forsi soluzzjoni tkun li tnaqqas in-numru ta' kontirbuturi, jew inkella tibda l-attività iktar kmieni. Xi ħaġa ta' min jaħseb naqra fuqha. Imma avolja forsi s-serata damet tikka iktar milli mistenni, naħseb ma kien hemm xejn żejjed.

Il-ktieb ta' l-okkażjoni

Saħħiet

Jum il-Ktieb

2005-04-23T13:29:00.000+02:00

Nixteq nibda din il-post billi nfakkar li llejla, l-Inizjamed, ser ittella' attività fl-Imħażen ta' Caraffa, il-Birgu, biex tiċċelebra Jum il-Ktieb. Din l-attività ġiet imsejħa "Ktieb għall-Ħruq". L-attività għandha tibda fis-6:30pm fejn ħames żgħażagħ ser jippreżentaw xi xogħlijiet tagħħom, u warajhom ser ikun hemm ħafna awturi stabbiliti li ser jaqraw xi xogħlijiet ġodda minn tagħhom. Inħajjar li kull min jista' jiġi, biex jattendi. Illejla jekk ikolli ċans, nħarbex xi ħaġa dwar din l-attività, għalkemm m'jien ser inwiegħed xejn. Jekk mhux illejla imma, ikun għada.

U ma jistax jonqos li f'Jum il-Ktieb, ikollna pubblikazzjoni ta' statistika dwar il-qari, ministri u politikanti b'wiċċ serju quddiem il-kamera tat-televiżjoni biex iwasslu l-messaġġ li l-qari huwa bżonnjuż, u nsomma, is-soltu kummiedja u daħk fil-wiċċ. U bil-wiċċ vili jiġi ministru jirringrazzja lill-kittieba Maltin talli jippubblikaw xogħlhom. U x'qal rigward dawk li ma ppubblikawx xogħlhom mhux għax ma riedux, imma għax sabu skoss bsaten fir-roti? Kulħadd sama' bis-saga ta' Immanuel. U dan żgur li ma kienx l-ewwel wieħed u ċert li lanqas ser ikun l-aħħar.

Għax fil-verità, x'qed isir biex nippromwovu l-qari u l-kotba? Risposta sempliċi: Xejn! Imma jekk ma jkunx hemm xi ras kbira tgħidilna li l-qari huwa bżonnjuż u li hu qed issir ħidma estensiva biex tippromwovi l-ktieb u l-kitba, ma tkunx ġurnata denja ta' Jum il-Ktieb.

Kif jgħidu tajjeb, bejn il-kliem u l-fatti, hemm baħar jikkumbatti (u mid-dehra f'dan il-baħar, id-Denfil għadu iferfer denbu...)

PS. Nhar l-Erbgħa filgħodu mort sal-Kunsill Lokali tal-Kalkara biex nagħmel naqra promozzjoni għall-attività ta' l-Inizjamed. Stampajt poster fuq karta A4 żgħir bid-dettalji neċessarji u mort. Fit-8:30am, kont diġà rfist l-għatba tal-uffiċju tal-Kunsill. Wara li spjegajt li din hija attività kulturali u x'naf jien, ġejt imwiegħed fost ħafna tbissim bħal li kieku ried ifisser "aħna nagħmlu kollox għall-kultura", taptip fuq spallti u "ħalli f'idi", li kienu ser isiru xi kopji tad-dettalji u jitwaħħlu man-noticeboards tal-Kunsill stess. Sal-ħdax ta' dalgħodu, fuq il-5 noticeboards tal-Kunsill imxerrdin mal-Kalkara, ma kien għad hemm l-ebda riferenza għal din l-attività.

Bejn Mwiet u Samaritani Twajba

2005-04-06T13:56:00.000+02:00

Ġraw ħafna avvenimenti ta' importanza dan l-aħħar. Miet il-Papa Ġwanni Pawlu II kif ukoll il-Prinċep ta' Monaco. Kultant tant tkun ilek tarahom lil dawn in-nies li tinsa li huma fl-aħħar mill-aħħar, dawn huma bnedmin bħalna u jkollhom ibatu u jmutu bħal kullħadd. U f'avvenimenti bħal dawn tinudna kemm hu vulnerabbli l-bniedem, li ikun min ikun, il-mewt ma tgħamel l-ebda distinzjoni. U din il-ħaġa tnissel fina ċertu biżgħa u ħafna mistoqsijiet. Tgħid min imiss minnha? Għaliex irridu ngħaddu mill-mewt? U mitt elf ħaġa oħra. Meta tisma' bil-mewt ta' xi ħadd, tinħasad, allavolja tkun taf li dik il-persuna forsi waslet fl-aħħar.

Dawn l-imwiet ma jistaw ma jfakkrunix f'poeżija tajba ta' Adrian Grima mill-ktieb tiegħu 'It-Trumbettier' (li bih kien ġie kklassifikat fit-tieni post fil-Premju Tivoli 1999).

AĦNA LI NĊAFĊFU SAQAJNA

Il-mewt taħsilna wieħed wieħed,
u mbagħad titlaqn' għal rasna.
U aħna li nċafċfu saqajna fiha mix-xatt,
inbaxxu rasna.
Iżda meta jegħreq xi ħadd quddiemna
induru biex ngħoddu kemm fadal
madwarna.

Il-mewt folla kbira wisq għall-knisja tagħna,
u n-nies tfur fuq l-għetiebi u z-zuntier
u t-toroq ta' madwarha.
Il-mewt taħslilna wiċċna biex narawha
toqtor fina.
Imbagħad titlaqna.

(Adrian Grima)

**

Interessatni ħafna l-aħħar post ta' Immanuel Mifsud intitolata 'Meta Jmut Papa'. Impressjonanti kif ċerti nies jirnexxielhom japprofittaw minn kull mument biex jiksbu vantaġġ fuq l-oħrajn - bħal ngħidu aħna, il-kummenti tal-President Fenech Adami u l-President Emeritu de Marco. Ċerti nies verament ma jistħux u vera m'għandhomx żejt f'wiċċhom. Ikunu jridu dejjem jidru sbieħ quddiem in-nies u jkunu dejjem fiċ-ċentru tal-attenzzjoni fejn kulħadd jista' jara l-affarjient nobbli u twajba li jagħmlu. Hawn Malta hawn wisq samaritani twajba. Tistħajjilhom jgħidulek "Li nagħmlu, kollox għalik u anki jekk l-affarjiet ma jmorrux kif tixtieq int, xorta konnha qed naħsbu fik". Dawn l-oqbra mbajjda li ħarġu jeloġjaw l-Papa u l-insistenza tiegħu fuq it-tqassim tal-ġid u l-ġustizzja soċjali donnhom insew x'għamlu f'dawn is-snin kollha li ilhom jiggvernaw. Jew inkella iridu jippruvaw ibellgħuilna li mxew dejjem fuq prinċipji Nsara u li stinkaw biex il-poplu jieħu dak li ħaqqu? Dawn in-nies tant jigdbu li saru jemmnu l-gideb tagħhom stess. Saru jemmnu li huma l-mibgħuta minn Alla fuq missjoni biex ixandru l-bxara t-tajba u jsalvaw il-poplu. L-arroganza li juru hija xi ħaġa li ma titwemminx.

Kontradizzjonijiet

2005-03-26T02:16:00.001+01:00

Għandi uġiegħ ta' ras illejla. Naħseb l-għajja u r-raġġi li herġin mill-monitor qed jagħmlu tagħhom. Qattajt dawn l-aħħar jumejn nagħmel naqra riċerka fuq l-assoċjazzjoni tal-HPV (Human Papilloma Virus) u l-kanċer tas-sider. Dan huwa wieħed miż-żewġ proġetti li għandi nagħmel is-sajf li ġej; l-ieħor għadu mhux deċiż imma probabilment ser ikun jirrigwarda il-benefiċċji tat-te' fejn tidħol is-saħħa, bħal ngħidu aħna, il-prevenzzjoni tal-mard tal-qalb u l-kolesterol għoli fid-demm. Għandhom ikunu żewġ proġetti interessanti. Il-ħasra hi li dawn iridu isiru f'ħin definit u allura mhux dejjem tkun tista tidħol f'ċerti irqaqat daqs kemm trid. L-ewwel proġett ħa jkun jinvolvi ukoll il-prattika mhux sempliċiment riċerka, u allura ser ikun hemm ċertu ammont ta' xogħol involut. Infatti, il-ġimgħa li ġejja irrid nordna l-materjal li ser ikolli bżonn biex naħdem, ħalli jilħaq jasalli kollox sa Ġunju. Sfortunatament, l-Universita' hemm ħafna burokrazzija żejda u jafu jiġu b'ħafna kummiedji. Dan apparti l-fatt li fondi għal riċerka huma prattikament ineżistenti, allura biex tikkonvinċi n-nies li din ir-riċerka hija bżonnjuża u ħa tħalli l-frott, trid ixoqq għaraq tad-demm iktar minn Kristu. Dan ifisser ukoll, li ħafna drabi ikollok tħalli xi partijiet mill-pjanijiet tiegħek barra għax ma jkun hemm flus biex twettaqhom. Jew inkella, tara minn fejn ħa ġġib il-flus int, li fil-każ tiegħi, hija ħaġa impossibbli għax anqas stipendju ma għandi. Ilha ħafna tissemma l-proposta biex jitwaqqaf xi tip ta' fond għar-riċerka fl-Universita' imma bħas-soltu, min imexxi tajjeb biss biex iparla u jimla għajn in-nies b'ħafna proposti u fantażiji li ma jitwettqu qatt. Saret drawwa hawn Malta, nipproponu, nġibu l-esperti minn barra biex jagħmlu evalwazzjoni u jgħidulna dak li diġa' nafu, u imbħghad inħallu kollox fuq l-ixkaffa biex jiġbor it-trab u l-għanqbut. U filwaqt li neqirdu li ma hemmx flus u finanzi, dawn l-esperti jitħallsu l-belli liri. Ħaġa pjuttost kontradittorja, imma mid-dehra hawn Malta l-kontradizzjoni saret parti mill-kultura nazzjonali. Sfortunatament, la l-affarjiet ma jiġux minnek, fl-aħħar mil-aħħar trid titgħallem tgħix bihom u tipprova tieħu li tista' mis-sitwazzjoni. Ma hemmx x'tagħmel.

Ġimgħatejn Vaganzi

2005-03-21T11:58:00.000+01:00

Kont ili ma nikteb xi ħaġa f'dan il-blogg - bejn minħabba li kont pjuttost imħabbat, u bejn ukoll il-fatt li ma tantx kelli affarjiet xi ngħid.

Insomma, illum uffiċċjalment bdew il-vaganzi ta' nofs is-sena skolastika. Fl-aħħar infatti, irnexxieli nqum kemxejn iktar tard mis-soltu, wara ħafna żmien inqum fil-5 - 5:30 am biex nilħaq il-lezzjonijiet tat-8 am l-Universita'. Għalkhemm biex inkun għidt kollox, din probabilment ser tkun l-ewwel u l-aħħar darba li gawdejt dan il-privileġġ, għax meta nħares lejn il-lista ta' affarjiet li rrid nistudja għall-eżamijiet ta' Ġunju tkun ser tagħtini rasi. Jiena wieħed li ma nħobbux is-sajf iżda ikolli nammetti li llum qed nħares lejh b'mod pjuttost differenti. Għandi bżonn ta' ftit ħin waħdi mistrieħ għax l-għajja qed tagħmel tagħha. Ħin għall-kwiet nisma l-mużika, nikteb u nħarbex kullma jiġini f'moħħi (kemm tpinġijiet kif ukoll kitba). Ili wisq ma nqatta ftit ħin miegħi innifsi, nagħmel dak li vera nixtieq. Allavolja qed niftakar li dan is-sajf ħa nkun impenjat b'riċerka interessanti fuq il-kanċer tas-sider li hemm ċans kbir li tiġi ppubblikata f'rivisti mediċi barranin, u b'riċerka oħra fuq l-effetti anti-ossidanti tat-te. Jiġifieri hemm probabbilita' kbira li dan is-sajf ħa jkun imballat b'xogħol akkademiku ukoll. Issa naraw.

Riċentament, sibt quddiemi ħafna materjal letterarju interessanti x'naqra. Diġa' semmejt is-'Samuraj' ta' Frans Sammut f'post riċenti. U issa miegħu żdiedu xi oħrajn. Hemm 'F'Altamira' ta' Victor Fenech li għalkhemm wasalli tard grazzi għall-posta (in)effiċċjenti ta' Malta, ikolli ngħid li l-istennija ma kienitx għal xejn. F'dan il-ktieb, apparti x-xogħlijiet ferm tajbin ta' Fenech, hemm ukoll studju kritiku ta' Oliver Friggieri dwar il-poeproża u l-istil li juża l-poeta. Issa għandi seba' mitt sena sakemm inġib 'Sangraal' tal-istess Victor Fenech. Irnexxieli nakkwista ukoll ġabra ta' poeżiji intitolata 'Dwal fil-Persjani' fejn insibu l-kontribuzzjonijiet ta' Mario Azzopardi, Joe Friggieri, Oliver Friggieri, Raymond Mahoney u Philip Sciberras. Sibt ukoll interessanti ħafna il-ktieb ippubblikat mill-Inizjamed 'Gżejjer - letteratura mill-periferiji' li Dr. Adrian Grima għoġbu jagħtini meta ltqajt miegħu għall-ewwel darba il-ġimgħa li għaddiet. Bniedem li għandu għal qalbu dak kollu li għandu x'jaqsam mal-kultura Maltija u persuna verament iddedikata fix-xogħol tagħha. Minn hawn nixtieq inselli għalih u nirringrazzjah minn qalbi tal-pariri siewja li tani u tal-għajnuna tiegħu.

Qed inxomm riħa interessanti ġejja mill-kċina: naħseb li hemm xi borma minestra tajba kif taf tgħamel ommi. Jekk ma jġib xejn miegħu ir-Randan, żgur ma jistax jingħad l-istess għal ikel li jiġi msajjar f'dawn il-jiem. Ħut, għaġin, ħaxix, rikotta... għal min ma tantx jiggosta l-laħam u l-ħelu bħali, is-sawm jieħu sinjifikat pjuttost differenti.

Saħħiet.

'Safety Valves'

2005-03-13T00:23:00.000+01:00

U hawn aħna. Illum wara nofsinhar wasalt lura d-dar minn dak is-seminar li kelli b'basket mimli ħwejjeġ maħmuġin, għajja u ħsibijiet. Ikolli nammetti li ma ddejjaqtx daqs kemm ħsibt li ħa niddejjaq, għalkhemm ma nistax ngħid li ħadt xi gost partikolari.

Is-sens ta' nostalġija li kont qed inħoss nhar il-Ħamis li għadda baqa' jakkumpanjani matul dawn it-tlitt ijiem tas-seminar: speċjalment il-Ħamis filgħaxija meta għamilt sforz biex immur nixrob mal-bqija tal-kors. U qalb l-istorbju tal-mużika R'n'B li bdiet tindaqq Havana (li jien ma togħġboni xejn), dwal iteptu, litri ta' alkoħol u iġsma iħokku ma xulxin bla ebda inibizzjoni, ippreferejt noqgħod f'rokna nixrob waħdi u nosserva l-ġenerazzjoni tal-lum li moħħha biex tieħu 'buzz tal-ostja' u ssir 'ħara'. Ġenerazzjoni li ssib is-'safety valve' għal-istress u l-problemi fl-alkoħol, fil-ġiri sfrenat bil-karozzi, fis-sens ta' periklu u avventura, fl-imħabba tas-Sibt filgħaxija (jew f'dan il-każ, tal-Ħamis filgħaxija).

Il-Ġimgħa filgħaxija ma tantx kelli aptit noħroġ, bejn għax kont għajjien u bejn għax kont naf li inutli nipprova nieħu 'buzz' bħall-oħrajn għax ma jirnexxilix. Allura ddeċidejt li noqgħod għall-kwiet waħdi fil-kumpanija ta' Claudio Bisio u l-bqija tal-kummidjanti ta' Zelig, u noħroġ okkażjonalment biss biex inpejjep sigarett fil-gallarija. Kienet lejla pjuttost friska u pjaċevoli għalkhemm ħafna gergu li kien il-bard. U spiċċajt qattajt lejl hekk, nara Zelig, inkanta xi diski ta' The Doors u nixrob l-inbid ġentilment pprovdut minn wieħed li kien qiegħed miegħi fil-kamra miegħi. Għalija kienet waħda minn dawk l-iljieli li tintefa għal kwiet waħdek tħares lejn is-sema; minn dawk li toqgħod għal kwiet tipprova tifhem x'mar ħażin u għaliex mar ħażin; minn dawk li tibqa' inutilment tistenna risposta jew inkella sms biex jaraw kif int; minn dawk li tipprova ssib is-'safety valve' tiegħek biex tipprova tinsa...

PS. 'F'Altamira' ta Victor Fenech għadu ma wasallix allavolja kelli l-konferma li ntbgħat nhar l-Erbgħa li għadda. Skond ommi l-pustier ilu jumejn ma jersaq l'hawn.

Nostalġija

2005-03-10T10:31:00.000+01:00

Illum suppost għandu jasalli 'F'Altamira' ta' Victor Fenech bil-posta. Jekk il-pustier jogħġbu jagħmel xogħolu sew għal darba (jiġifieri, jiġi jqassam l-ittri meta suppost minflok jieħu l-ixkora miegħu d-dar, u ma jaffiġġhomx huwa u jdaħħalhom fil-kaxxa tal-ittri) ikolli ċans nieħu l-ktieb miegħi s-seminar. Xejn xejn ikolli xi ħaġa interessanti oħra apparti s-'Samuraj' ta' Sammut. Bħalissa qiegħed nara minn fejn nista insib nixtri l-kotba ta' Mario Azzopardi: poeta ieħor li dejjem affaxxinani minn mindu kont qrajt xi xogħolijiet minn tiegħu fuq dak il-ktieb li konnha nużaw fis-sekondarja 'Qawsalla'. Iżda mid-dehra bix-xewqa ħa nibqa (għaldaqstant kull min jista jgħini nħeġġu jikkuntattjani). U rigward il-ktieb 'Qawsalla' - dak il-ktieb kien strumentali biex laqqgħani ma għadd ta' kittieba Maltin fosthom Victor Fenech, Mario Azzopardi, Frans Sammut u Daniel Massa fost l-oħrajn. Kittieba kbar li ħallew l-marka tagħhom fil-letteratura Maltija.

U filwaqt li nieħu r-raba' tazza kafe' tal-ġurnata u nisma lil Steve Vai idoqqli 'Windows to the Soul' fl-isfond, moħħi imur lura daqs sena ilu... qabel ma qamet bufura riħ u qaċċtet il-petali minn fuq il-fjuri. Għad ma rnexxilix narmi z-zkuk niexfa. Mhux talli hekk, talli għal xi raġuni qiegħed inżommhom ġo vażun fuq l-iskrivanija. Forsi għadni nittama li xi darba għad iwarrdu w ifewwħu bħal ma kienu jagħmlu sena ilu? Min jaf? Insomma, fi kliem ieħor, din id-diska saret tqabbadni nostaġija kbira.

Ħa mmur inlesti l-aħħar affarjiet, ninħasel, niekol xi ħaġa u nitlaq bil-kwiet lejn l-Universita'. Li qed tfakkarni, li rrid nixtri flixkun inbid ħalli jkolli naqra kumpanija llejla...

Komunikazzjoni

2005-03-10T00:48:00.000+01:00

Qed nikteb din il-post filwaqt li qed nixrob l-aħħar bela' kafe' tal-ġurnata filwaqt li nisma 'Enjoy the Silence' meħuda mill-album 'Violator' tad-Depeche Mode. Għadni kif lestejt il-baskett bl-affarjiet kollha neċessarji għas-seminar dwar il-'Komunikazzjoni' li ġie organiżżat f'lukanda għall-istudenti tal-mediċina. Għall-prezz fenomenali ta' Lm20.50 biss (VAT inkluża), ħa nkunu nistgħu nitgħallmu kif nikkomunikaw aħjar bejnietna.

Personalment, ikolli nammetti illi m'għandix aptit immur. Bejn il-fatt li student fqir mingħajr stipendju (għax qieghed nagħmel it-tieni kors tiegħi l-Universita' wara l-BSc) ma tantx ikollu aptit jonfoq flus f'kummiedji bħal dawn, bejn il-fatt li jien m'inix dak l-annimal soċjevoli li n-nies ta' madwari bilfors iriduni nkun, u bejn ukoll il-fatt li ħa jkolli nqatta' kważi tlett ijiem mingħajr kompjuter. Din tal-aħħar qed tinkwetani mhux ftit. Sa ftit ilu ma ridtx nammetti li għandi dipendenza fuq din il-kaxxa teknoloġika imma llum skoprejt li fil-verita' il-kompjuter sar qisu vizzju ikrah - vizzju li m'għandi l'ebda ħsieb li naqta' għalissa.

Insomma, nisperaw li dan is-seminar ma jkunx tedjanti daqs kemm qed nimmaġinah. Jiena ħa nieħu miegħi xi kotba x'naqra ħalli jekk ma jkollix aptit noħroġ mal-bqija, filgħaxija ikolli fiex nheda (għax jien TV ma narax). Forsi nibda naqra 'Samuraj' ta' Frans Sammut li ilu jittantani biex naqrah għal dawn l-aħħar xhur. Forsi ukoll nibda nħarbex u nagħti forma lill-istorja li għandi f'moħħi. Ma nafx kif ġietni l-idea li nikteb storja għax jien normalment poeżiji biss inħarbex. U iva - issa naraw x'inhu ġej.

Ħa nħallilkhom spunt fuq xiex taħsbu qabel immur nitkebbeb bħal fetu fis-sodda. Dan huwa vers meħud mid-diska li qed nisma bħalissa:

'Words are very unecessary, they can only do harm... Enjoy the silence...'

Merħba

2005-03-09T19:02:00.000+01:00

Issaqsunix għala iddeċidejt li nibda blogg. Forsi sforz il-kurżita jew inkella l-eċitament li tħoss meta tipprova xi ħaġa ġdida. Naħseb huwa iktar probabbli l-fatt li qabżitli nipprova nistudja minn fuq il-kotba tal-mediċina u l-anatomija u ddeċidejt li naħli l-ħin b'mod differenti u nnovattiv. Hi x'inhi r-raġuni niddubita kemm jinteressakhom u kemm fil-fatt hija ta' importanza.

Ħaġa waħda qabel immur nagħmel tazza te' għax ksaħt bilqiegħda. Tistennewx li ħa nikteb xi ħaġa kuljum f'dan il-blogg għax mhux idea tiegħi li nżomm djarju. Jien qatt ma żammejt wieħed f'ħajti u jkolli nammetti li m'għandi l-ebda ħajra li nibda issa.

Saħħiet